ទន្តបណ្ឌិត​ សាន ដាណែត

Dentist

" វាជាបទពិសោធមួយដ៏ល្អដែលអោយខ្ញុំយល់ពីមូលដ្ឋានគ្រឹះយូហ្គា​ ហេីយអាចអោយខ្ញុំអាចអនុវត្តបានរាល់ថ្ងៃនៅផ្ទះខ្លួនឯង​ ហេីយក៏អាចហាត់ជាក្រុមបានដែរ។      ជាពិសេសទៅទៀតខ្ញុំចេះពីវិធីដកដង្ហេីមដែលអាចទទួលបានថាមពលច្រេីនពីការដកដង្ហេីមប្រភេទនេះ។"

Sothary Damo

Manager

ជាកន្លែង ដែលអាចបន្តយ ភាពតានតឹង បង្កើននូវសុខភាព ទាំងលំហាត់ប្រាណ និង អារម្មណ៍
ជាពិសេសរៀនជាមួយ គ្រូជនជាតិដើម🙂

Dr. Sopheary Yoeun

Cardiologist

កាលពីឆ្នាំមុនខែមិថុនាជាលើកដំបូងដែលខ្ញុំសំរេចចិត្ត ជ្រើសយកយោគៈ ហើយក៏ជាពេលដំបូងដែលខ្ញុំឃើញថាជិវិតខ្ញុំផ្លាស់ប្តូរ កាន់តែប្រសើរទៅៗ។ ដំបូងឡើយខ្ញុំគិតថាការហាត់យោគៈ គឺគ្រាន់តែជាការពត់ពែនខ្លួន ដែលធ្វើឲ្យរាងស្អាតនឹងទាក់ទាញ។ តែរហូតមកដល់ពេលនេះទើបខ្ញុំ យល់ពីសារៈសំខាន់ពិតរបស់យោគៈ ខ្ញុំអាចនិយាយបានថា ខ្ញុំមិនអាចរស់បានបើគ្មានយោគៈ។ ចាប់ផ្តើមពីការគិត ច្បាស់លាស់ និង ត្រឹមត្រូវ ធ្វើឲ្យខ្ញុំដើរឆ្ពោះទៅភាពជោគជ័យដែលមិនគួរឲ្យជឿ។ ជាក់ច្បាស់ ទំនាក់ទំនងខ្ញុំនឹងមនុស្សជុំវិញខ្លួន កាន់តែល្អប្រសើរឡើងៗ។ លើសពីនេះរាងកាយខ្ញុំក៏ មាំមួន រហ័សរហួន ពេញដោយថាមពល ធ្វើការអ្វីក៏បានរលូន និង រហ័ស។ អ្វីដែរពិសេសនោះគឺគ្រប់ៗគ្នាសរសើរពីស្នាមញញឹមខ្ញុំមិនដាច់ ព្រោះវាជាស្នាមញញឹមដែលចេញពីខាងក្នុង មិនមែនជាស្នាមញញឹម ដើម្បីលាក់បាំងឡើយ។ ខ្ញុំសង្ឃឹមថាមនុស្សគ្រប់គ្នានឹងអាចមានក្តីសុខក្នុងចិត្ត ដូចខ្ញុំដែរ។

Rina Meourn

បន្ទាប់ពីខ្ញំបានរៀនយូហ្គានិងសម្មាធិរួចមក ខ្ញំមានអារម្មណ៍ថា ស្រស់ថ្លាជាងមុន ខួរក្បាលស្រលះ ចិត្តស្ងប់ស្ងាត់ សុខភាពក៏ល្អជាងមុន។ ខ្ញំពិតជាសប្បាយចិត្តណាស់ អគុណដល់លោកអ្នកគ្រូនៅ #The Art of Living 😊

ស៊ីម យូហេង

Import Export Specialist

ដើម្បីឲ្យរាងកាយរបស់យើងរឹងមាំ យើងត្រូវការធ្វើលំហាត់ប្រាណឲ្យបានទៀងទាត់ ដូចគ្នានេះដែរផ្នែកផ្លូវចិត្តរបស់យើងក៏ត្រូវមានការហាត់ពត់លត់ដំខ្លះដែរ ដើម្បីឲ្យសុខភាពផ្លូវចិត្តមានភាពប្រសើរឡើង ប៉ុន្តែមនុស្សភាគច្រើនមិនសូវចាប់អារម្មណ៍នឹងការមើលថែសុខភាពផ្លូវចិត្តរបស់ខ្លួនប៉ុន្មានទេ កម្មវិធី YESPLUS របស់ Art of Living បានផ្តល់ឱកាសឲ្យខ្ញុំបានទាំងសុខភាពរាងកាយ និងជាពិសេសការយល់ដឹងពីផ្នែកខាងក្នុងនៃខ្លួនយើង (Inner self) កាន់តែច្បាស់