«Ապրելու Արվեստը» մի քանի նախաձեռնությունն է իրականացնում՝ ուղղված ջրային աղբյուրների պահպանությանը (օր. ջրի հավաքում, գետերի մաքրում), ինչպես նաև մաքուր ջրի մատակարարման աղբյուրների ավելացմանը (օր. գետերի վերականգնում):

Հնդկաստանում 27 գետ վերականգնվել է

Այժմ 22 գետեր ու վտակներ են վերականգնվում Հնդկաստանի Մահարաշտրա նահանգում: Հաճախակի երաշտների ու անբերրիության արդյունքում գյուղացիների համատարած ինքնասպանությունները վերափոխվել են հույսի ու առատության: Ավելի շատ ջուր ունենալով՝ գյուղացիներն ի վիճակի են շարունակելու զբաղվել հողագործությամբ, ձեռք բերել անհրաժեշտ գյուղտեխնիկա, աճեցնել շատ ջուր պահանջող բուսատեսակներ և դրական ակնկալիքներ ունենալ իրենց կյանքից:

Ինչպես սա տեղի ունեցավ

• Որդեգրվեց բազմաճյուղ մոտեցում:
• Ջուրը բաքերում հավաքելու միջոցով թեթևացվեց երաշտից տուժող հեռավոր շրջանների վիճակը:
• Գումար հավաքվեց գետերը, լճերն ու ջրանցքերը մաքրելու, խորացնելու և լայնացնելու համար:
• Գետերի հուներից մեծ քանակությամբ տիղմ հեռացվեց: Այնուհետև այն օգտագործվեց մոտակա դաշտերը պարարտացնելու համար:
• Վերալիցքավորվեցին ստորգետնյա ջրերը:
• Կատարվեց անձրևաջրերի հավաքում և պահեստավորում:
• Դասընթացներ անցկացվեցին՝ գյուղացիներին հողագործության ավանդական մեթոդներով վերակրթելու համար:
• Ներգրավվեց համայնքը:

«Մանկությանս օրերից ի վեր այսքան ջուր չէի տեսել նալլայում (ջրանցքում), ու նաև իմ ֆերմայում»:

Պանդուրանգ, հողագործ, Մասկե գյուղ, Մահարաշտրա

«Երիտասարդ ժամանակ ես գնում էի այս գետում լողալու: Բայց վերջին 20 տարիներին մենք պարզապես միայն ասում էինք, որ ժամանակին այստեղ գետ է եղել: Իսկ այս տարի ես նորից կարողացա վայելել այս գետում լողալու հաճույքը»:

Ռամիկշան Սավանտ, թոշակառու ուսուցիչ

«Վերջին 15 տարիների ընթացքում մեր գյուղը ջրի խնդիր է ունեցել: Մեր թաղում նույնիսկ խմելու ջուր էլ չկար: Ստիպված ենք եղել լոլիկ ու կորեկ աճեցնել, որից շատ գումար չես աշխատի: Հիմա մենք նորից սկսել ենք բրինձ աճեցնել: Մյուս տարի պլանավորում ենք ցորեն և շաքարեղեգ աճեցնել: Իմ 13 մետրանոց ջրհորում 10 մետր ջուր կա, իսկ վերջին երեք տարիներին այն ցամաքած էր: Սա շատ մեծ առաջքայլ է»:

Հողագործ, Բալարամ, Վելոր, Թամիլ Նադու

«Մաքրագործվելու համար մենք միշտ գործածել ենք Գանգես և Յամունա սրբազան գետերի ջուրը, սակայն հիմա հասել ենք այնտեղ, որ պետք է ինքներս մաքրենք այս գետերը: Մենք կռիվ ենք մղում ջրի աղտոտման դեմ: Կառավարությունը չի կարող միայնակ անել այս գործը: Մենք պետք է միավորենք մեր ուժերը»:

~ Շրի Շրի Ռավի Շանկար

2010 թվականին «Ապրելու Արվեստը» հազարավոր քաղաքացիների է մոբիլիզացրել Դելիում՝ «Մաքուր Յամունա» նախագծի շուրջ (Meri Dilli, Meri Yamuna):

2015-ին Մահարաշտրա նահանգում Գոդավարի գետի հատակը մաքրվել է «Mazi Godhi, Mazi Aai Godavari» նախաձեռնության շրջանակում:

Պամպայի մաքրման նախագծի իրագործումը սկսել է 2014 թվականի ապրիլին: Պամպան Հնդկաստանի Կերալա նահանգի երրորդ ամենաերկար գետն է, որին անվանում են «հարավային Գանգես»:

Պամպայի նախագծի մասին

• հեռացվել է 600 տոննա աղբ
• ծրագրի վրա ծախսվել է 68,800 ժամ կամավորական ժամանակ
• անհատական շփումների արդյունքում գետերի աղտոտման նկատմամբ զգայունություն է ձեռք բերել 3 միլիոն մարդ
• ներգրավվել է ավելի քան 8000 կամավոր 14 շրջանից
• Շրի Շրի Ռավի Շանկարի 8 Vidya Mandir դպրոցների 377 աշակերտ մասնակցել է նախաձեռնությանը

Միայն հինդուիստական կրոնի դավանողները Հնդկաստանում պաշտում են 330 միլիոն աստվածների ու աստվածուհիների: Այնքան էլ փոքր թիվ չէ: Կարելի է միայն պատկերացնել, թե որքան ծաղիկ է նվիրաբերվում այս աստվածություններին: Ու սա նաև ամեն օր հսկայածավալ աղբ է կուտակում: Այսպես սկսվեց «Տաճարների ծաղիկները կոմպոստի վերածելու» նախաձեռնությունը:

«Ապրելու Արվեստը» նախատեսում է Հնդկաստանի տաճարներին կից բացել պինդ աղբի վերամշակման 40 գործարան:

• ·    2015 թ. դեկտեմբերին 1,241 կգ տաճարային աղբ է վերամշակվել՝ ստեղծելով 414 կգ կոմպոստ (օրգանական պարարտանյութ)
• ·    2016 թ. հունվարին 3,000 կգ տաճարային աղբ է վերամշակվել՝ ստեղծելով 1114 կգ կոմպոստ