ຜູ້ກໍຕັ້ງອົງກອນ

ກ່ຽວກັບທ່ານ ກູຣູເດບ ສຣີ ສຣີ ຣາວີ ສັງກາລ

ກູຣູເດບ ສຣີ ສຣີ ຣາວີ ສັງກາລທ່ານເປັນຜູ້ນຳດ້ານມະນຸດສະທຳ, ຜູ້ນຳທາງຈິດວິນຍານ ແລະ ທູດແຫ່ງສັນຕິພາບ ທີ່ໄດ້ຮັບການຍອມຮັບໃນລະດັບນານາຊາດ ການປ່ຽນແປງພູມປັນຍາບູຮານຂອງທ່ານໃຫ້ກາຍເປັນຄຳສອນທີ່ເຂົ້າໃຈງ່າຍສຳຫຼັບຜູ້ຄົນທົ່ວໄປ ແລະ ວິໄສທັດອັນກວ້າງຂວາງຕໍ່ສັງຄົມທີ່ທ່ານຢາກເຫັນສັງຄົມປາສະຈາກຄວາມຄຽດ ແລະ ປາສະຈາກຄວາມຮຸນແຮງ ທ່ານໄດ້ສ້າງແຮງບັນດານໃຈ ໃຫ້ກັບຜູ້ຄົນນັບລ້ານຄົນທົ່ວທຸກມຸມຂອງໂລກຜ່ານຫຼັກສູດ ແລະ ໂຄງການຊ່ວຍເຫຼືອຂອງອົງກອນ ເດິ ອາດ ອອັບລີບ ວິງ 

ຊີວະປະຫວັດຫຍໍ້

ອາຈານກູຣູຜູ້ນຳທາງຈິດວິນຍານ ແລະ ທູດແຫ່ງສັນຕິພາບໂລກ 

ກູຣູເດບ ສຣີ ສຣີ ຣາວີ ສັງກາລ ເປັນຜູ້ນຳທາງດ້ານຈິດວິນຍານ ແລະ ມະນຸດສະທຳ ທີ່ໄດ້ຮັບການຍອມຮັບທົ່ວໂລກ ທ່ານແມ່ນຜູ້ນຳໃນການເຄື່ອນໄຫວລະດັບໂລກທີ່ບໍ່ເຄີຍມີມາກ່ອນ ເພື່ອສ້າງສັງຄົມທີ່ປະສະຈາກຄວາມຄຽດ ແລະ ຄວາມຮຸນແຮງ ຜ່ານໂປຼແກຼັມ ແລະ ຄຳສອນຢ່າງຫຼວງຫຼາຍໃນເຄື່ອຂ່າຍຂອງອົງກອນຕ່າງໆ ແລະ ເດິອາດ ອອັບ ລີບວິງ ລວມເຖິງສະມາຄົມນານາຊາດເພື່ອຄຸນຄ່າມະນຸດ. ການຂະຫຍາຍໂຕຢ່າງກວ້າງຂວາງແລະໄວວາຂອງອົງກອນທີ່ມີຢູ່ 180 ປະເທດທົ່ວໂລກ. ເຂົ້າເຖິງຜູ້ຄົນໄດ້ຫຼາຍກວ່າ 1 ຕື້. ກູຣູເດບ ໄດ້ພັດທະນາໂປຼແກຼັມທີ່ມີເອກະລັກສະເພາະຕົວ ແລະ ຊົງພະລັງ ເຊິ່ງມັນໄດ້ເສີມສ້າງພະລັງຄວາມພ້ອມໃຫ້ແກ່ຜູ້ຄົນໃນການຮັບມືຕໍ່ການປ່ຽນແປງຂອງໂລກ 

ໃຫ້ທຸກຄົນພ້ອມຮັບມືກັບຄວາມທ້າທາຍໃນລະດັບໂລກ, ລະດັບຊາດ, ລະດັບຊຸມຊົນ ແລະ ລະດັບບຸກຄົນ. ກູຣູເດບ ເກີດໃນປີ ຄ.ສ 1956 ທາງພາກໃຕ້ຂອງອິນເດຍ ແລະ ເປັນເດັກນ້ອຍທີ່ມີພອນສະຫວັນ. ເມື່ອອາຍຸໄດ້ 4 ປີ ທ່ານໄດ້ທ່ອງຈຳຄຳພີ ພັກຄະວະ ຄີຕາ ເຊິ່ງເປັນຄຳພີສັນສະກິດບູຮານໄດ້ປາກເປົ່າ ແລະ ທ່ານໄດ້ເຂົ້າເຖິງສະມາທິແບບເລິກເຊິ່ງ. ທ່ານກູຣູເດບ ມີປະລິນຍາທາງດ້ານວັນນະກຳພະເວດ ແລະ ຟີຊິກ. 

ໃນປີ ຄ.ສ 1982 ກູຣູເດບ ໄດ້ເຂົ້າສູ່ຊ່ວງເວລາແຫ່ງຄວາມງຽບເຝິກຈິດສະມາທິປິດວາຈາເປັນເວລາ 10 ວັນ ໃນເມືອງຊິໂມກາ ຂອງອິນເດຍທ່ານໄດ້ຄົ້ນພົບເທັກນິກທີ່ເອີ້ນວ່າ ຊູດຼາຊັນເຄຼຍ ເທັກນິກການຫາຍໃຈອັນຊົງພະລັງທີ່ສຸດເມື່ອເວລາຜ່ານໄປຫຼາຍປີ ຊູດຼາຊັນເຄຼຍ ກໍ່ກາຍເປັນຫົວໃຈສຳຄັນຂອງຫຼັກສູດໃນອົງກອນ ເດິ ອາດອອັບ ລີບວິງ.

ໃນລະດັບບຸກຄົນ, ໂຄງການພັດທະນາຕົນເອງ ໂດຍທ່ານອາຈານ ກູຣູເດບ ໄດ້ຊ່ວຍໃຫ້ຫຼາຍຮ້ອຍລ້ານຄົນທົ່ວໂລກສຳພັດເຖິງການຫຼຸດຜ່ອນຄວາມຄຽດ ແລະ ຄວາມກັງວົນພາຍໃນຈິດໃຈ ຄົ້ນພົບຄວາມສະຫງົບສຸກທີ່ແທ້ຈິງ ແລະ ສຳພັດຄວາມຮູ້ສຶກດີຈາກພາຍໃນ. ໂຄງການເຫຼົ່ານີ້ມີຮາກຖານມາຈາກເທັກນິກບູຮານຂອງໂຍຄະ, ແຕ່ໄດ້ຖືກປັບໃຫ້ເໝາະສົມກັບຄວາມຕ້ອງການໃນສະໄໝປະຈຸບັນ,ຄວບຄູ່ໄປກັບເທັກນິກຊູດຼາຊັນເຄຼຍ ຊຶ່ງເປັນເທັກນິກການຫາຍໃຈທີ່ມີອິດທິພົນສູງ ໃນການສົ່ງເສີມສຸຂະພາບທາງກາຍ, ຈິດໃຈ ແລະ ອາລົມ. ການຄົ້ນຄວ້າທາງການແພດໂດຍສະຖາບັນທາງການແພດທີ່ມີຊື່ສຽງ 

ໄດ້ບັນທຶກຜົນວິໄຈຂອງເທັກນິກເຫຼົ່ານີ້ໃນການບັນເທົາອາການຊຶມເສົ້າ, ຫຼຸດລະດັບຮໍໂມນຄວາມຄຽດ (cortisol) ແລະ ການເສີມສ້າງລະບົບພຸມຕ້ານທານ. ພະລັງຂອງຄຳສອນຂອງທ່ານໄດ້ສ້າງຄວາມເຄື່ອນໄຫວໃນການບໍລິການຊ່ວຍເຫຼືອຜູ້ຄົນຜ່ານອາສາສະໝັກຈຳນວນຫຼວງຫຼາຍທົ່ວໂລກ. 

ໃນຖານະເປັນຜູ້ນຳທີ່ຫຼາຍຄົນທົ່ວນັບຖື, ອາຈານກູຣູເດບ ໄດ້ຮັບບົດບາດສຳຄັນໃນການເຈລະຈາສັນຕິພາບທົ່ວໂລກ. ຈາກກຸ່ມກັດສເມຍ, ອາສຊານ ແລະ ບີເຮີ ໃນອິນເດຍ, ໄປຈົນເຖິງປະເທດໂຄລົມເບຍ,ໂຄໂຊໂວ, ອີຣັກ ແລະ ຊີເຣຍ, ພ້ອມທັງ ໂກດດີວົວ — ໂຄງການຂອງກູຣູເດບ ໄດ້ສ້າງຜົນດີຢ່າງເປັນຮູບປະທຳຕໍ່ຜູ້ທີ່ເຄີຍເຂົ້າຮ່ວມໃນຄວາມຂັດແຍ້ງດ້ວຍອາວຸດ ໃຫ້ຫັນມາວາງອາວຸດເຂົ້າສູ່ເສັ້ນທາງສັນຕິພາບ. ໃນໂລກທີ່ກຳລັງປະເຊີນກັບຄວາມຮຸນແຮງ ແລະຄວາມຂັດແຍ້ງທີ່ເພີ່ມຂຶ້ນ ອາຈານກູຣູເດບ ໄດ້ສະເໜີເສັ້ນທາງເລືອກອື່ນ ເຊິ່ງບຸກຄົນຈະພົບສັນຕິພາບພາຍໃນຕົນເອງ ແລະ ສັນຕິພາບນັ້ນຈະເກີດເປັນພະລັງບໍ່ຮູ້ຫມົດ ທີ່ຫຼັ່ງໄຫຼອອກມາໃຫ້ສັງຄົມມີຄວາມສະຫງົບ ແລະ ມີສັນຕິພາບ.