Гүрүдэв Шри Шри Рави Шанкар нь олон улсад хүлээн зөвшөөрөгдсөн оюун санааны удирдагч, хүмүүнлэгийн болоод энх тайвны элч билээ. Тэрээр эртний мэргэн ухааныг өнөөгийн өдөр тутмын амьдралд хэрэгжих энгийн мессеж болгон тайлбарлаж, Амьдрах Урлагийн хөтөлбөр, тусламжийн төслүүдээр дамжуулан стрессгүй, хүчирхийлэлгүй нийгмийг цогцлоох алсын хараа нь дэлхий даяар сая сая хүнд урам зориг өгсөөр байна.
Follow Gurudev
Колумб, Монгол, Парагвай, Суринам улсын иргэний дээд цол.
Энэтхэг улсын иргэний дээд цол, шагнал.
Шри Ланка, Ирак, Колумб, Венесуэл, Кот д’Ивуар, Камерун болон Энэтхэг улсын засгийн газрын хүндэт шагнал
26 орны их, дээд сургууль
43 их, дээд сургууль
олон улсад тэмдэглэн өнгөрүүлдэг.
ГҮРҮ, МАНЛАЙЛАГЧ ба ЭНХ ТАЙВНЫ ЭЛЧ
Гүрүдэв Шри Шри Рави Шанкар нь дэлхий нийтийн хүндлэл хүлээсэн оюун санааны удирдагч, хүмүүнлэгийн манлайлагч билээ. Тэрээр стрессгүй, хүчирхийлэлгүй нийгмийг бий болгохын төлөө урьд өмнө болж байгаагүй дэлхий нийтийг хамарсан хөдөлгөөнийг эхлүүлсэн. Гүрүдэв олон тооны сургалт, хөтөлбөрүүд мөн Амьдрах Урлаг болон Хүний Үнэт Чанар Олон Улсын Холбоо зэрэг байгууллагуудын сүлжээ, 180 гаруй улсад хурдацтай хэрэгжиж буй үйл ажиллагаагаар дамжуулан 800 сая гаруй хүнд хүрээд байна. Тэрээр өөртөө, нийгэмдээ, улс эх орондоо, дэлхий нийтэд тулгамдаад буй сорилтуудыг даван туулахад нь хувь хүн бүрийг чадавхжуулж, арга техник эзэмшүүлж, тэдэнд шаардлагатай өөрчлөлтийг авч ирэх өвөрмөц, үр дүнтэй хөтөлбөрүүдийг боловсруулан хүргэсээр байна.
1956 онд Энэтхэгийн өмнөд хэсэгт мэндэлсэн Гүрүдэв онцгой билэг авьяастай хүү байжээ. Дөрвөн настайгаас эртний санскрит судар Бхагавад Гитагаас ишилж, гүн бясалгадаг байв. Тэрээр Ведийн уран зохиол болон физикийн салбараас мэргэжлийг зэрэг горилсон.
1982 онд Гүрүдэв Энэтхэгийн Карнатака хотын Шимога гэх газар арав хоног дуугаа хураан бясалгаж байх үеэр хүчирхэг амьсгалын техник болох Сударшан Крияа мэндэлсэн юм. Цаг хугацаа өнгөрөх хэрээр Сударшан Крияа Амьдрах Урлагийн гол тулгуур болсон билээ.
Гүрүдэвийн хувь хүний хөгжлийн хөтөлбөрүүд нь дэлхийн өнцөг булан бүрд олон зуун сая хүнд стрессгүй, тайван, сайн сайхан байдлыг мэдрэхэд тусалсаар байна. Хөтөлбөрүүдийг орчин үеийн хэрэгцээ шаардлагад нийцүүлсэн эртний Иогийн арга техник дээр үндэслэсэн бөгөөд эдгээр нь Гүрүдэвийн санал болгож буй бие бялдар, сэтгэл зүй, сэтгэл хөдлөлийн сайн сайхан байдлыг нэмэгдүүлэх хүчирхэг амьсгалын техник Сударшан Крияа™-г багтаасан байдаг. Хөтөлбөрийн арга техникүүд сэтгэл гутралыг арилгах, стрессийн даавар кортизолыг бууруулах, дархлааны тогтолцоог хүчирхэгжүүлэхэд нөлөөлдөг болохыг нэр хүндтэй, бие даасан анагаах ухааны судалгааны байгууллагуудын судалгаагаар батлан харуулсан билээ.
Түүний мессежийн хүчээр дэлхий даяар олон сая сайн дурынхан бусдад туслах томоохон төслүүдэд идэвхийлэн оролцож байна.
Гүрүдэв дэлхий нийтийн хүндлэл хүлээсэн манлайлагчийн хувиар энх тайвны хэлэлцээрүүдэд чухал үүрэг гүйцэтгэсээр ирсэн. Энэтхэгийн Кашмир, Ассам, Бихар-аас эхлээд Колумб, Косово, Ирак, Сир, Кот д’Ивуар хүртэл, Гүрүдэвийн хөтөлбөрүүд зэвсэгт мөргөлдөөнд оролцогчдод энх тайвны замыг сонгоход бодитоор нөлөөлсөн олон баримт бий. Хүчирхийлэл, мөргөлдөөн ширүүсэж буй өнөө цагт энх тайван, эв нэгдэлтэй нийгмийг бүтээхийн тулд хүн нэг бүр дотооддоо амгалан тайван байх аргыг Гүрүдэв санал болгож байна.
