ಗುರುದೇವ್ ಶ್ರೀ ಶ್ರೀ ರವಿಶಂಕರರು ಮಾನವತಾವಾದಿಯ ನಾಯಕರು, ಆಧ್ಯಾತ್ಮಿಕ ಗುರುಗಳು ಮತ್ತು ಶಾಂತಿದೂತರು. ಗುರುದೇವರ ದೃಷ್ಟಿಕೋನದಂತೆ ಒತ್ತಡ-ರಹಿತ ಮತ್ತು ಹಿಂಸಾ-ಮುಕ್ತ ಸಮಾಜದ ನಿರ್ಮಾಣಕ್ಕಾಗಿ, ಆರ್ಟ್ ಆಫ್ ಲಿವಿಂಗ್ ಸಂಸ್ಥೆಯು ಅನೇಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಪ್ರಪಂಚದಾದ್ಯಂತವೂ ಇರುವ ಮಿಲಿಯಾಂತರ ಜನರನ್ನು ಒಗ್ಗೂಡಿಸಿದೆ.
ಆರಂಭ
ದಕ್ಷಿಣ ಭಾರತದಲ್ಲಿ, 1956ರಲ್ಲಿ ಜನಿಸಿದ ಗುರುದೇವ್ ಶ್ರೀ ಶ್ರೀ ರವಿಶಂಕರರು ತಮ್ಮ ಹುಟ್ಟಿನಿಂದಲೇ ಅತ್ಯಂತ ಪ್ರತಿಭಾವಂತ ಶಿಶುವಾಗಿದ್ದರು. ಅವರು ತಮ್ಮ ನಾಲ್ಕನೆಯ ವಯಸ್ಸಿನಲ್ಲಿಯೇ , ಪ್ರಾಚೀನ ಸಂಸ್ಕೃತ ಗ್ರಂಥವಾದ ಭಗವದ್ಗೀತೆಯ ಅನೇಕ ಭಾಗಗಳನ್ನು ಪಠಿಸಬಲ್ಲವರಾಗಿದ್ದರು ಮತ್ತು ಆಗಾಗ ಆಳವಾದ ಧ್ಯಾನದಲ್ಲಿ ಮುಳುಗುತ್ತಿದ್ದರು. ಗುರುದೇವರ ಪ್ರಥಮ ಶಿಕ್ಷಕರಾದ ಸುಧಾಕರ್ ಚತುರ್ವೇದಿಯವರು ಮಹಾತ್ಮಾ ಗಾಂಧಿಯವರೊಡನೆ ದೀರ್ಘಕಾಲೀನ ಸಂಬಂಧವನ್ನು ಹೊಂದಿದ್ದರು. 1973 ರಲ್ಲಿ ತಾವು ಹದಿನೇಳನೆಯ ವರ್ಷದವರಾಗಿದ್ದಾಗ, ಗುರುದೇವರು ವೈದಿಕ ಸಾಹಿತ್ಯ ಮತ್ತು ಭೌತ ಶಾಸ್ತ್ರಗಳೆರಡರಲ್ಲೂ ಪದವಿಯನ್ನು ಪಡೆದು ಉತ್ತೀರ್ಣರಾದರು.
World Meditation Day
● Livewith Gurudev Sri Sri Ravi Shankar
● Liveat 8:00 pm IST on 21st December
ಜೀವನವನ್ನು ಪರಿಪೂರ್ಣವಾಗಿ ಜೀವಿಸುವ ಒಂದು ತತ್ವವೇ ಆರ್ಟ್ ಆಫ್ ಲಿವಿಂಗ್ ಆಗಿದೆ. ಇದನ್ನು ಕೇವಲ ಒಂದು ಸಂಸ್ಥೆಯೆಂದು ಹೇಳುವ ಬದಲಿಗೆ ಒಂದು ಚಳುವಳಿಯೆಂದು ಕರೆಯಬಹುದಾಗಿದೆ. ಯಾಕೆಂದರೆ, ಇದರ ಮೂಲಭೂತ ತತ್ತ್ವವೇ -ಪ್ರತಿಯೊಬ್ಬ ವ್ಯಕ್ತಿಯೂ ತನ್ನೊಳಗೆ ಅಡಗಿರುವ ಆಂತರಿಕ ಶಾಂತಿಯನ್ನು ಕಂಡುಕೊಂಡು, ಸಮಾಜವನ್ನು ಸಮಗ್ರವಾಗಿ ಮುನ್ನಡೆಸಬೇಕು, ಎನ್ನುವುದಾಗಿದೆ. ಅಷ್ಟೇ ಅಲ್ಲದೆ, ವಿವಿಧ ಸಂಸ್ಕೃತಿಗಳ, ವಿವಿಧ ಪದ್ಧತಿಗಳ, ವಿವಿಧ ಧರ್ಮಗಳ ಮತ್ತು ವಿವಿಧ ರಾಷ್ಟ್ರಗಳ ಜನರನ್ನು ಒಗ್ಗೂಡಿಸಿ, ಎಲ್ಲರನ್ನೂ ಒಮ್ಮತದೊಂದಿಗೆ ಮುನ್ನಡೆಸುವುದು ಈ ಸಂಸ್ಥೆಯ ಧ್ಯೇಯವಾಗಿದೆ. ತನ್ಮೂಲಕ ಮಾನವೀಯ ಮೌಲ್ಯಗಳನ್ನು ಎತ್ತಿ ಹಿಡಿದು, ನಮ್ಮೆಲ್ಲರ ಗುರಿಯು, ಒಂದೇ ಹಾಗೂ ಮಾನವ ಜನಾಂಗದ ಪ್ರಗತಿಗಾಗಿ ನಾವೆಲ್ಲರೂ ಒಗ್ಗೂಡಿ ಕೆಲಸ ಮಾಡ ಬೇಕಾಗಿದೆ ಎನ್ನುವುದನ್ನು ಎಂದು ಧೃಢೀಕರಿಸುವುದಾಗಿದೆ.
- ಗುರುದೇವ್ ಶ್ರೀ ಶ್ರೀ ರವಿಶಂಕರ್
ಆರ್ಟ್ ಆಫ್ ಲಿವಿಂಗ್ ಮತ್ತು ಇನ್ಟರ್ ನ್ಯಾಷನಲ್ ಅಸೊಸಿಯೇಷನ್ ಫಾರ್ ಹ್ಯೂಮನ್ ವಾಲ್ಯೂಸ್ ನ ಸ್ಥಾಪನೆ
ಗುರುದೇವರು ದಿ ಆರ್ಟ್ ಅಪ್ ಲಿವಿಂಗ್ ಸಂಸ್ಥೆಯನ್ನು ಒಂದು ಅಂತರ್ ರಾಷ್ಟೀಯ ಮಟ್ಟದಲ್ಲಿರುವ , ಲಾಭರಹಿತ , ಶೈಕ್ಷಣಿಕ ಮತ್ತು ಮಾನವೀಯ ಮೌಲ್ಯಗಳಿಂದ ಒಡಗೂಡಿದ ಸಂಸ್ಥೆಯನ್ನಾಗಿ ಸ್ಥಾಪನೆ ಮಾಡಿದರು. ಇದರ ಮೂಲಕ ಪ್ರಸಾರವಾಗುವ ಶೈಕ್ಷಣಿಕ ಮತ್ತು ಸ್ವಯಂ-ವಿಕಾಸಕ್ಕಾಗಿ ನಿಯೋಜಿಸಿದ ಕಾರ್ಯಕ್ರಮಗಳು, ಒತ್ತಡಗಳ ನಿವಾರಣೆಗಾಗಿ ಮತ್ತು ಸಂತೋಷವನ್ನು ವೃದ್ಧಿ ಪಡಿಸಲಿಕ್ಕಾಗಿ, ಶಕ್ತಿಯುತವಾದ ಪ್ರಕ್ರಿಯೆಗಳನ್ನು ಒಳಗೊಂಡಿವೆ. ಈ ಪ್ರಕ್ರಿಯೆಗಳ ಮೂಲಕ ಸಹಕಾರಿಯಾಗುವ ಸಾಧನಗಳು ಯಾವುದೇ ಜಾತಿ, ಮತ ಮತ್ತು ಪಂಗಡಗಳ ಭೇದವಿಲ್ಲದೆ ಸಕಲಮಾನವ ಕುಲದ ಅಭಿವೃದ್ಧಿಗಾಗಿ ಮೀಸಲಾಗಿವೆ. ಈ ಪ್ರಕ್ರಿಯೆಯ ನಿಯಮಿತ ಅಭ್ಯಾಸವು ಜಾಗತಿಕ ಮಟ್ಟದಲ್ಲಿ ಮತ್ತು ಸಮಾಜದ ಎಲ್ಲಾ ಹಂತಗಳಲ್ಲಿಯೂ ಪರಿಣಾಮಕಾರಿಯಾಗಿ ಫಲಪ್ರದಾಗುವುದು, ಎಂಬುದಾಗಿ ಸಾಬೀತಾಗಿದೆ . ಆರ್ಟ್ ಆಫ್ ಲಿವಿಂಗ್ ಕಾರ್ಯಕ್ರಮಗಳನ್ನು ಪ್ರಸ್ತುತ 180 ದೇಶಗಳಲ್ಲಿ ನೀಡಲಾಗುತ್ತಿದೆ. 1997 ರಲ್ಲಿ, ಗುರುದೇವರು ಇಂಟರ್ನ್ಯಾಶನಲ್ ಅಸೋಸಿಯೇಷನ್ ಫಾರ್ ಹ್ಯೂಮನ್ ವ್ಯಾಲ್ಯೂಸ್ (IAHV) ಅನ್ನು ಆರ್ಟ್ ಆಫ್ ಲಿವಿಂಗ್ನ ಸಹೋದರ ಸಂಸ್ಥೆಯಾಗಿ ಸ್ಥಾಪಿಸಿದರು. IAHV ಕೂಡಾ ದೀರ್ಘಕಾಲೀನ ಅಭಿವೃದ್ಧಿ ಯೋಜನೆಗಳನ್ನು ಸಂಯೋಜಿಸುತ್ತಿದೆ. ಇದು ಮಾನವೀಯ ಮೌಲ್ಯಗಳನ್ನು ಬೆಳೆಸುವ ಮೂಲಕ ಮತ್ತು ಸಂಘರ್ಷಗಳನ್ನು ಪರಿಹರಿಸುವುದರಲ್ಲಿ ಮುಂದಾಳತ್ವವನ್ನು ವಹಿಸುವ ಮೂಲಕ ಅತ್ಯಂತ ಪರಿಣಾಮಕಾರಿಯಾದ ಮತ್ತು ಧನಾತ್ಮಕವಾದ ಪರಿವರ್ತನೆಗಳನ್ನು ತರುವುದರಲ್ಲಿ ಯಶಸ್ವಿಯಾಗಿದೆ.ಸೇವೆಗೆ ಸ್ಫೂರ್ತಿ ಮತ್ತು ಜ್ಞಾನದ ಜಾಗತೀಕರಣ

ಶಾಂತಿದೂತರು



