ವಿಶ್ವ ದಾಖಲೆಗಳು

ಮಾರ್ಚ್ 2016 ರಲ್ಲಿ ಆರ್ಟ್ ಆಫ್ ಲಿವಿಂಗ್ ತನ್ನ 35ನೇ ವಾರ್ಷಿಕೋತ್ಸವವನ್ನು ಆಚರಿಸಿತು. ಬನ್ನಿ, ಭವ್ಯವಾದ ನೆನಪುಗಳನ್ನು ಮೆಲುಕು ಹಾಕುತ್ತ ಜಾಗತಿಕ ವಿವಿಧತೆಯ ಚೆಲುವಿನಲ್ಲಿ ಮೈಮರೆಯಿರಿ.

ವಿಶ್ವಸಂಸ್ಥೆಯಿಂದ ಮಾನ್ಯತೆ ಪಡೆದ ಲಾಭೋದ್ದೇಶವಿಲ್ಲದ ಸಂಸ್ಥೆಯಾದ ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್‌ ತನ್ನ ಸ್ಥಾಪನೆಯ 30ನೇ ವಾರ್ಷಿಕೋತ್ಸವವನ್ನು ವಿಶ್ವ ಸಂಸ್ಕೃತಿ ಉತ್ಸವದ ರೂಪದಲ್ಲಿ ಆಚರಿಸಿತು. ಆರ್ಟ್‌ ಆಫ್‌ ಲಿವಿಂಗ್‌ ಸಂಸ್ಥೆಯ ವಿವಿಧ ಕಾರ್ಯಕ್ರಮಗಳ ಮೂಲಕ ಪ್ರಪಂಚದಾದ್ಯಂತ 151 ದೇಶಗಳ 5.50 ಕೋಟಿಗಿಂತಲೂ ಹೆಚ್ಚು ಜನರು ಪ್ರಯೋಜನವನ್ನು ಪಡೆದಿದ್ದಾರೆ.

ಗುರುದೇವ ಶ್ರೀ ಶ್ರೀ ರವಿ ಶಂಕರರ ನೇತೃತ್ವದಲ್ಲಿ ಬೆಂಗಳೂರಿನಲ್ಲಿ ನಡೆಸಿದ ಐತಿಹಾಸಿಕ ಧ್ಯಾನ ಕಾರ್ಯಕ್ರಮದಲ್ಲಿ ನೂರೈವತ್ತಕ್ಕೂ ಹೆಚ್ಚು ದೇಶಗಳಿಂದ ಆಗಮಿಸಿದ ಮೂವತ್ತು ಲಕ್ಷ ಜನರು ಭಾಗವಹಿಸಿ ಜಾಗತಿಕ ಶಾಂತಿ, ಅಹಿಂಸೆ ಮತ್ತು ಗಡಿಗಳನ್ನು ಮೀರಿದ ಏಕತೆಗಾಗಿ ಒಮ್ಮನಸ್ಸಿನಿಂದ ಪ್ರಾರ್ಥಿಸಿದರು.

ಅಂತಾರಾಷ್ಟ್ರೀಯ ಮಹಿಳಾ ಸಮ್ಮೇಳನವು ಜಾಗತಿಕ ಮಟ್ಟದ ಮಹಿಳಾ ನಾಯಕಿಯರನ್ನು ಒಂದೇ ವೇದಿಕೆಯಲ್ಲಿ ತಂದು ಸಂವಾದ ಮತ್ತು ಕಾರ್ಯಾಗಾರಗಳ ಮೂಲಕ ಮಹಿಳಾ ಸಬಲೀಕರಣ, ನಾಯಕತ್ವ ಮತ್ತು ಶಾಂತಿಗಾಗಿ ಕಾರ್ಯರತವಾಗಿದೆ.

ʼವ್ಯವಹಾರದಲ್ಲಿ ನೈತಿಕತೆಗಾಗಿ ವಿಶ್ವ ವೇದಿಕೆʼಯು ನೈತಿಕ ನಾಯಕತ್ವ ಮತ್ತು ಆಡಳಿತವನ್ನು ಪ್ರೋತ್ಸಾಹಿಸುತ್ತದೆ. ಇದು ಮೌಲ್ಯಾಧಾರಿತ ವ್ಯವಹಾರ ಅಭ್ಯಾಸಗಳನ್ನು ಉತ್ತೇಜಿಸಲು ಸಂವಾದ, ವಿಚಾರ ಸಂಕಿರಣ ಮತ್ತು ಸಹಭಾಗಿತ್ವಗಳಿಗಾಗಿ ಜಾಗತಿಕ ಮಟ್ಟದಲ್ಲಿ ವೇದಿಕೆಗಳನ್ನು ಕಲ್ಪಿಸುತ್ತದೆ.

ಜಾಗತಿಕ ನಾಯಕತ್ವ ವೇದಿಕೆ (GLF)ಯು ಉದ್ಯಮ, ಸರಕಾರ ಮತ್ತು ಅಂತಾರಾಷ್ಟ್ರೀಯ ಸಂಸ್ಥೆಗಳ ಸುಮಾರು ಸಾವಿರಕ್ಕೂ ಹೆಚ್ಚು ನಾಯಕರನ್ನು ಒಂದೆಡೆ ಸೇರಿಸಿ ವಿಚಾರ ಮತ್ತು ಪರಿಹಾರಗಳ ವಿನಿಮಯಕ್ಕೆ ಅವಕಾಶ ಕಲ್ಪಿಸುತ್ತದೆ. ತನ್ಮೂಲಕ ಸಮಕಾಲೀನ ಔದ್ಯಮಿಕ ಮತ್ತು ಸಾಮಾಜಿಕ ಸವಾಲುಗಳನ್ನು ಸಹಭಾಗಿತ್ವದ ನೆಲೆಯಲ್ಲಿ ಎದುರಿಸಲು ಸಹಾಯ ಮಾಡುತ್ತದೆ.

2024ರಲ್ಲಿ ಡಿಸೆಂಬರ್‌ ತಿಂಗಳ 21ನೇ ದಿನಾಂಕವನ್ನು ʼವಿಶ್ವ ಧ್ಯಾನ ದಿನʼವನ್ನಾಗಿ ವಿಶ್ವಸಂಸ್ಥೆಯು ಘೋಷಿಸಿತು. ಆ ಚರಿತ್ರಾರ್ಹ ದಿನದಂದು ಗುರುದೇವರು ಜಗತ್ತಿನಾದ್ಯಂತ ಲಕ್ಷಾಂತರ ಜನರಿಗೆ ಧ್ಯಾನದ ಮಾರ್ಗದರ್ಶನವನ್ನು ನೀಡಿದರು.