ग्रामीण विकास

आढावा

ग्रामीण भारत पुकारत आहे! केवळ सांडपाण्याची सोय, स्वच्छ पिण्याचे पाणी, वीज, आर्थिक विकास इ. मुलभूत गरजा आणि इतर गोष्टींसाठीच नाही तर दीर्घकालीन बदलांसाठी. शौचालय बांधून जर ते कोणी वापरणार नसेल तर त्याला काही अर्थ नाही. गावातील कोणालाही जर सौर वीज वापरायला येत नसेल तर सौर केंद्र चालवण्यात काहीच अर्थ नाही. गावातील लोकांच्या समस्यांचा विचार न करता आदर्श गाव योजना राबवण्यात काहीच अर्थ नाही.

चांगली जीवनशैली आणि नोकरी व्यवसायाच्या शोधार्थ गावातून शहरांकडे स्थलांतरित होणाऱ्या लोकांची संख्या वाढत असताना, ग्रामीण भागातील अडचणींकडे लक्ष देण्याची तेवढीच किंवा त्याच्यापेक्षा जास्त गरज आहे. आणि त्यावर मात करणेही आवश्यक आहे. त्यामुळे आम्ही असे मानतो की ग्रामीण जनतेचा सक्रीय सहभाग हा यातील अत्यंत महत्त्वाचा घटक आहे. त्यामुळे, आम्ही जेव्हा शौचालय बांधतो तेव्हा जनतेला ते वापरण्यासाठी उद्युक्त करतो. जेव्हा आम्ही सौर ऊर्जा केंद्र उभारतो तेव्हा सौर उर्जेची उपकरणे बसवण्यासाठी आणि चालवण्यासाठी ग्रामीण भागातील तरुणांना प्रशिक्षण देतो. जेव्हा आम्ही आदर्श गावांबद्दल बोलत असतो तेव्हा आम्ही गावातील अडचणी समजून घेतो आणि तेथील स्थानिक जनतेतील जे कोणी या समस्या सर्वात जास्त चांगल्या प्रकारे समजून घेतात, त्याना मार्गदर्शन करण्यासाठी उत्तेजन देतो.

थोडक्यात, आम्ही समाज प्रबोधन आणि मुलभूत सुविधांचा विकास दोन्ही एकत्रच करतो. हा मुख्य पाया मानून आम्ही खालीलप्रमाणे काम करत आहोत:

• अतिशय दुर्गम गावांमध्ये सौर उर्जेचा पुरवठा करणे.
• ग्रामीण युवक आणि स्त्रियांना विविध कौशल्यांचे प्रशिक्षण देणे.
• शौचालये बांधणे आणि जनतेला ते वापरण्यासाठी प्रवृत्त करणे.
• स्वच्छ पिण्याच्या पाण्याची सोय.
• स्थानिक प्रशासन मजबूत करणे.
• गावांना स्वयंपूर्ण बनवणे.