महिलांच्या सक्षमीकरणासाठी आमची मोहीम

धोरण

आमच्या धोरणात खालील गोष्टींचा समावेश आहे

व्यवसायिक प्रशिक्षण देणे : आम्ही ग्रामीण महिलांना वेगवेगळ्या प्रकारचे कौशल्य वाढवणारे प्रशिक्षण देतो, जसे की शिवणकाम, नक्षीकाम, मण्यांचे काम, ज्यूटच्या पिशव्या बनवणे, अगरबत्ती बनवणे इत्यादी, जेणेकरून त्या आर्थिक दृष्ट्या स्वतंत्र होऊ शकतील.

समाज प्रबोधन : द गर्ल चाइल्ड कॅम्पैन २०१३ आणि द ॲक्ट नाऊ कॅम्पैन २०१४ (The Girl Child Campaign 2013 and The Act Now Campaign 2014) यासारख्या मोहिमा राबवून, गर्भनिदान आणि स्त्रीभ्रूणहत्या याबद्दल समाज प्रबोधन करण्यासाठी आम्ही काम केले आहे.

व्यक्तींचे सशक्तीकरण : आम्ही महिलांना ताण-तणाव कमी करण्याचे तंत्र शिकवतो, त्यामुळे त्या आतून मजबूत होतात आणि त्यांचा आत्मविश्वास वाढतो.

एकमेकांना सहकार्य करणारा समाज निर्माण करणे : समाजातील विविध आव्हानांचा व्यक्तिगत सामना करण्याऐवजी, समान आव्हानांना सामोरे जाण्यासाठी आम्ही एकजूट राखण्याची भावना निर्माण करतो. विचारांची देवाण-घेवाण करण्यासाठी, एकमेकांच्या सहकार्यासाठी आणि महिलांचा आवाज बुलंद करण्यासाठी व्यासपीठ उपलब्ध करतो.

आरोग्यविषयक सेवा उपलब्ध करून देणे : आम्ही ग्रामीण आणि शहरी भागातील वंचित महिलांसाठी वैद्यकीय शिबिरांचे आयोजन करतो