पाळीव प्राणीदेखील आपल्याला योगाचे धडे देतात! योगी त्यांच्या पारखी नजरेने आजूबाजूच्या जगातून प्रेरणा घेतात.मार्जरी आसन योगाभ्यासात शरीराला उत्कृष्ठ ताण देणारे आसन म्हणून अंतर्भूत होते.
मार्जरी – मांजर; आसन – शरीराची मुद्रा / पवित्रा
मार्जरी आसन कसे करावे
- आपले गुडघे आणि हातांवर या. शरीराला एखादया टेबलप्रमाणे बनवा. आपले हात आणि पाय त्या टेबलाचे चार पाय असतील आणि पाठ त्या टेबलाचा वरचा भाग बनेल.
- आपले हात जमिनीला काटकोनात ठेवा. हात खांद्याच्या बरोबर खाली असतील आणि तळहात जमिनीवर पसरलेले असतील. आपल्या गुडघ्यांमध्ये कंबरेइतके अंतर असेल.
- सरळ समोर पहा.
- श्वास घेत हनुवटी वर उचला. आपले डोके मागच्या बाजूला जाऊ दया. नाभी भागाला जमिनीच्या दिशेने ढकला आणि माकडहाड वरच्या बाजून उचला. नितंब आकसून घ्या.
- आपणास थोडा ताण जाणवतो आहे नां?
- आता त्याच स्थितीत (मार्जरी आसनात) थोडा वेळ राहा. दीर्घ श्वास घ्या.
- आता ह्याच्या उलट स्थिती करा. श्वास सोडत हनुवटी खाली आणा आणि छातीला टेकवा, पाठीच्या कण्याची कमान करा. शक्य होईल तेवढी पाठीची कमान करा. नितंब सैल सोडा.
- सुरुवातीच्या टेबलाच्या स्थितीत येण्यापूर्वी काही सेकंद या स्थितीत राहा.
- योगासनामधून बाहेर येण्यापूर्वी ५ – ६ वेळा याच प्रक्रियेची पुनरावृत्ती करा.
- श्री श्री योग विशेषतज्ञांकडून टीप : जेव्हा आपण ही प्रक्रिया सावकाश आणि लयबद्‌धतेने करतो तेव्हा त्याचा अधिक परिणाम होतो आणि आपण ध्यान अवस्थेत जातो.
मार्जरीआसनाचे फायदे
- पाठीचा कणा लवचिक बनतो.
- मनगट आणि खांदे मजबूत बनतात. पचनसंस्थेच्या अवयवांना मालिश मिळते आणि पचन सुधारते.
- पोट सुडौल बनते.
- मन शांत करते.
- रक्ताभिसरण सुधारते.
मार्जरीसन कोणी करू नये
आपणास मान किंवा पाठीसंबंधी काही त्रास असल्यास प्रथम वैद्यकीय सल्ला घ्या. श्री श्री योग प्रशिक्षकाच्या मार्गदर्शनाखाली मार्जरी आसन करा.
सर्व योगासने आधीचे योगासन : पद्मासन पुढील योगासन :एक पाद राजकपोतासन
