हल= नांगर, आसन = पवित्रा / अंगस्थिती
या आसनाचे नांव “नांगर” यावरून मिळाले आहे जे एक लोकप्रिय शेतीचे साधन आहे. नांगराला भारतीय शेतीमध्ये सामान्यतः पीक पेरणीसाठी, माती तयार करण्यासाठी वापरले जाते. त्याच्या नावाप्रमाणे हे आसन शरीर आणि मनाच्या ‘शेताला’ सखोल पुनरुज्जीवन करण्यासाठी तयार करते. हलासनाचा उच्चार हल-आ-स-न असा होतो.
पार्श्व हलासन हा हलासनाचा एक प्रगत प्रकार आहे.
हलासन कसे करावे: पायऱ्या
- आपल्या पाठीवर आपले हात आपल्या बाजूला, तळवे खाली टेकून झोपा.
- श्वास घेताना, आपले पाय जमिनीवरून उचलण्यासाठी पोटाच्या स्नायूंचा वापर करा, आपले पाय ९०-अंशाच्या कोनात वर ताठ उभे करा.
- सामान्य श्वसन सुरू ठेवा आणि आपल्या नितंबांना आणि पाठीला हातांनी आधार द्या, त्यांना जमिनीवरून उचला.
- पायाची बोटे जमिनीला स्पर्श करेपर्यंत आपले पाय डोक्यावर १८०-अंश कोनात वेगाने न्या. पाठ जमिनीच्या लंब असावी. हे सुरुवातीला कठीण असू शकते, परंतु काही सेकंदांसाठी प्रयत्न करा.
- या स्थितीमध्ये स्थिर राहा आणि प्रत्येक श्वासागणिक आपले शरीर अधिकाधिक शिथिल करा.
- या स्थितीमध्ये विश्रांती, सुमारे एक मिनिट (नवशिक्यांसाठी काही सेकंद) झाल्यानंतर श्वास सोडताना आपले पाय हळूवारपणे खाली आणू शकता.
हलासनाचा व्हिडिओ
हलासनासाठी टिप्स
हे आसन हळू हळू करा. आपण आपल्या मानेला ताण देत नाही किंवा जमिनीत ढकलत नाही याची खात्री करा.
आपल्या खांद्याच्या वरच्या भागात आपल्या पाठीला आधार द्या, आपले खांदे आपल्या कानाकडे थोडेसे उचलून घ्या.
पाय खाली आणताना शरीराला झटके देणे टाळा.
पूर्वतयारीची आसने
- पूर्ण हलासनाचा सराव करण्यापूर्वी पूर्व हलासन किंवा प्राथमिक हलासन हे एक पूर्वतयारीचे आसन आहे. हे करणे तुलनेने सोपे आहे.
- सर्वांगासन हे पद्म साधना क्रमात हलासनापूर्वी केले जाते. सर्वांगासन करण्यासाठी, जेंव्हा आपले पाय आणि नितंब जमिनीवरून उचलता, तेव्हा आपले पाय डोक्यावर १८० अंशात घेण्याऐवजी, ते हवेत वरच्या दिशेने पसरवा, जेणेकरून आपण खांद्यावर याल, आपल्या हातांनी पाठीला आधार द्या. हलासन हे सर्वांगासनाच्या बरोबर जाते.
- सेतू बंधनासन हे दुसरे आसन आहे जे हलासनापूर्वी करता येते.
नंतर करावयाची आसने
हलासनानंतर भुजंगासन केले जाऊ शकते.
हलासनानंतर पवनामुक्तासन, ज्यामध्ये शरीराला हलक्या हाताने झुलवून देखील केले जाऊ शकते.
हलासनाचे फायदे
- हलासनामुळे मान, खांदे, पोट आणि पाठीचे स्नायू मजबूत होतात आणि उघडतात.
- मज्जासंस्था शांत होते, तणाव आणि थकवा कमी होतो.
- हलासनामुळे पाय सुडौल होतात आणि पायाची लवचिकता सुधारते.
- थायरॉईड ग्रंथीला उत्तेजित करते आणि रोगप्रतिकारक शक्ती मजबूत करते.
- रजोनिवृत्ती दरम्यान महिलांना मदत करते.
हलासन कोणी करू नये
- जर आपल्या मानेला दुखापत झाली असेल किंवा अतिसार आणि उच्च रक्तदाबाचा त्रास होत असेल तर हलासनाचा सराव टाळा.
- स्त्रियांनी गरोदरपणात आणि मासिक पाळीच्या पहिल्या दोन दिवसांत हलासनाचा सराव टाळावा.
अलिकडच्या काळात जुनाट आजार किंवा पाठीच्या विकारांनी ग्रासले असेल तर हलासनाचा सराव करण्यापूर्वी डॉक्टरांचा सल्ला घ्या..
सर्व योगासने अगोदरचे योगासन : सर्वांगासन पुढील योगासन : नटराजसन
