सेतुबंधासन म्हणजे काय
सेतु – पूल
बंध – बांधणे
सेतुबंधासन करताना शरीराचा आकार पूलासारखा बनतो , म्हणून हे नांव दिले आहे.
सेतुबंधासन कसे करावे
- आपल्या पाठीवर झोपा.
- आपले दोन्ही पाय गुडघ्यातून वळवा. दोन्ही पायांमध्ये कंबरेइतके अंतर असू द्या. गुडघे आणि घोटे एका सरळ रेषेत ठेवत पाय कमरेपासून १० – १२ इंच अंतरावर ठेवा.
- आपले हात शरीराच्या बाजूला ठेवा. तळहात खालच्या दिशेने ठेवा.
- श्वास घेत हळूवारपणे आपल्या पाठीचा खालचा भाग, मधला भाग आणि वरचा भाग अनुक्रमे वर उचला. सावकाश आपले खांदे आतल्या बाजूला घ्या. आपली हनुवटी खाली न करता, छाती हनुवटीला टेकवा. आणि आपले वजन खांदे, हात आणि पायांवर सांभाळा. शरीराचा खालचा भाग यावेळी स्थिर ठेवा. दोन्ही मांड्या परस्परांना आणि जमिनीला समांतर असतील.
- आपली बोटे एकत्र गुंतवून, हाताच्या आधाराने शरीर आणखी वर उचलू शकता. किंवा आपल्या पाठीला तळहाताने आधार देऊ शकता.
- सहजपणे श्वास घेत राहा.
- एक ते दोन मिनिट आसनामध्ये स्थिर राहा. आणि श्वास सोडत आसनामधून बाहेर या.
सेतुबंधासन व्हिडिओ
सेतुबंधासनाचे फायदे
- पाठीचे स्नायू मजबूत बनतात.
- पाठीच्या स्नायूंना लगेच आराम मिळतो.
- छाती, मान आणि पाठीच्या कण्याला चांगला ताण मिळतो.
- मेंदू शांत होतो. चिंता, तणाव आणि नैराश्य कमी होते.
- फुप्फुसे जास्त मोकळी होतात. कंठग्रंथी (Thyroid) चा त्रास कमी होतो.
- पचन सुधारण्यास मदत होते.
- मासिक धर्म आणि रजोनिवृत्तीच्या त्रासापासून मुक्ती मिळते.
- अस्थमा, उच्च रक्तदाब, हाडांचा ठिसूळपणा (Osteoporosis) आणि सायनस (Sinusitis) मध्ये मदतकारक आहे.
सेतुबंधासन कोणी करू नये
- मान किंवा पाठीला काही इजा झाली असल्यास सेतुबंधासन करू नये.
