वीरभद्रासन

वीरभद्रासन म्हणजे काय

केवळ हे एकच आसन केल्यामुळे हात, खांदे, मांड्या आणि पाठीचे स्नायू मजबूत होतात. या आसनाचे नाव वीरभद्र, एक बलाढ्य योद्धा, भगवान शिवाचा अवतार यांच्या नावावर आहे. योद्धा वीरभद्राची कथा उपनिषदातील सर्व कथांप्रमाणेच, आपल्या जीवनात मूल्य वाढवणारी नैतिकता आहे.
वीर – जोमदार, योद्धा, शूर; भद्रा – चांगला, शुभ; आसन – योगासन
आसनाचा उच्चार वी-र-भ-द्र-आसन असा होतो.

वीरभद्रासन कसे करावे

वीरभद्रासन हे सर्वात सुंदर योगासनांपैकी एक आहे आणि ते आपल्या योगाभ्यासात सौंदर्य आणि लालित्य वाढवते.

• कमीत कमी ३-४ फूट अंतर ठेवून पाय रुंद करून सरळ उभे रहा.
• तुमचा उजवा पाय ९० अंशांनी व डावा पाय सुमारे १५ अंशांनी वळवा.
• खात्री करा : उजव्या पायाची टाच डाव्या पायाच्या मध्यभागी सरळ रेषेत आहे नां?
• दोन्ही हात दोन्ही बाजूला खांद्याच्या उंचीपर्यंत उचला आणि हाताचे तळवे वरच्या दिशेने करा.
• खात्री करा : आपले हात जमिनीला समांतर आहेत नां?
• श्वास सोडत, उजवा गुडघा वाकवा.
• खात्री करा : आपला उजवा गुडघा आणि उजवा घोटा सरळ रेषेत आहे नां? आपला गुडघा घोट्याच्या बाहेर जाणार नाही याची खात्री करा.
• आपले डोके वळवा आणि आपल्या उजवीकडे पहा.
• आसनाच्या या स्थितीत स्थिरावल्यावर आपले हात पुढे पसरवा.
• आपला कटिभाग खाली ढकलण्याचा सौम्य प्रयत्न करा. योद्ध्याच्या निश्चयाप्रमाणे हे आसन करा. आनंदी हसऱ्या योद्ध्याप्रमाणे हसा. खाली जाताना श्वास घेत राहा.
• श्वास आत घ्या, वर या.
• श्वास सोडताना, आपले हात आपल्या बाजूला खाली आणा.
• डाव्या बाजूसाठी योगासनाची पुनरावृत्ती करा (तुमचा डावा पाय ९० अंशांनी वळा आणि उजवा पाय सुमारे १५ अंशांनी वळवा).

वीरभद्रासनाचे फायदे

• हात, पाय आणि पाठीचा खालचा भाग मजबूत आणि सुडौल करते.
• शरीरातील संतुलन सुधारते, जोम वाढवण्यास मदत करते.
• बैठी किंवा टेबलावर बसून करण्याची नोकऱ्या असलेल्यांसाठी फायदेशीर.
• फ्रोझन शोल्डर्समध्ये अत्यंत फायदेशीर.
• एकदम कमी वेळात खांद्यावरील ताण अतिशय प्रभावीपणे मोकळा करते.
• मांगल्य, धैर्य, कृपा आणि शांती आणते.

वीरभद्रासन कोणी करू नये

• आपणास मणक्याचे विकार नुकतेच झाले असतील किंवा एखाद्या दीर्घकालीन आजारातून बरे झाले असाल तर आपल्या डॉक्टरांचा सल्ला घेतल्यानंतरच वीरभद्रासनाचा सराव करा.
• उच्च रक्तदाबाच्या रुग्णांनी हे आसन टाळावे.
• जर गर्भवती महिलांनी नियमितपणे योगाभ्यास केला असेल, तर त्यांना दुसऱ्या आणि तिसऱ्या तिमाहीत वीरभद्रासनाचा विशेषत: फायदा होतो. भिंतीजवळ उभे असताना वीरभद्रासनाचा सराव करा जेणेकरून गरज पडल्यास तुम्ही स्वतःला आधार देऊ शकता. तथापि, हे योगासन करण्यापूर्वी आपल्या डॉक्टरांचा सल्ला घ्या.
• आपणास कोणताही त्रास होत असल्यास किंवा नुकतेच अतिसाराचा त्रास झाला असल्यास हे आसन करणे टाळा.
• जर आपणास गुडघेदुखी किंवा सांधेदुखीचा त्रास होत असेल तर गुडघ्याला काही आधार देऊन हे योगासन करा.

वीरभद्रासनावर वारंवार विचारले जाणारे प्रश्न