ఉచిత పాఠశాల: భారతదేశంలోని మారుమూల ప్రాంతాలకు విస్తరిస్తున్న విద్య

వ్యూహం

మా వద్ద విద్యావ్యవస్థ కార్యకలాపాలకు కాలాంతర్గతంగా మార్పులు చేసిన అద్భుతమైన వ్యూహం ఉంది. ఆ వ్యూహం మూడు స్తంభాల ఆధారంగా నిర్మింపబడింది.:

సంఘంతో సన్నిహితంగా ఉండటం:  ఆర్ట్ అఫ్ లివింగ్ వారు క్రియాశీలంగా సంఘాన్ని ప్రభావితం చేసేవారిని కలిసి పిల్లలు పాఠశాలల్లో నిత్యం ఉండేలా చూస్తారు. మేము పిల్లలను చదివించే ముందు వారి కుటుంబ సభ్యులను కలిసి వారికి విద్య యొక్క ప్రాముఖ్యతను తెలియజేస్తాము. పాఠశాల శిక్షకులను మేము వారి సంఘాల నుంచే ఎంపిక చేసి తగు శిక్షణను ఇవ్వడం ద్వారా సంఘం బలోపేతం అవుతుంది. దీని వలన చదువు మధ్యలోనే ఆపేసే పిల్లల సంఖ్య తగ్గుతుంది.

ఉచితంగా విద్యను అందించడం: మా వద్ద చదువుకునే మొదటి తరం పిల్లలు పెద్ద భాగంలో అతి బీద కుటుంబాల నుంచి వచ్చినవారే ఉన్నారు. ఆర్ట్ అఫ్ లివింగ్ వారు విలువలతో కూడిన ఉచిత విద్యను బడుగు బలహీన వర్గాలకు అందించడమే కాకుండా, వారి పిల్లలు పాఠశాలలకు వెళ్లకుండా చేసే సామాజిక, ఆర్థిక మరియు సాంస్కృతిక అడ్డంకులను కూడా మేము పరిష్కరించే ప్రయత్నం చేస్తున్నాము.

విలువలతో కూడిన విద్య: ఆర్ట్ అఫ్ లివింగ్ వారు పిల్లలకు సంపూర్ణనంగా పోషణను అందిస్తుంది. విద్య పట్ల మా వ్యూహం ఎక్కువగా సరైన విద్యతో పటు జీవితానికి సరిపడా నైపుణ్యాలను నేర్పించడం ద్వారా వారికి ఆత్మవిశ్వాసం, నాయకత్వ లక్షణాలు ఇంకా వ్యక్తిగత నైపుణ్యాలను నేర్పించడమే కాకుండా వారికి ఆధ్యాత్మికంగా రకరకాల ధ్యాన పద్ధతులను నేర్పించబడును మరియు మానవీయ విలువలకు పునాది వేయడం జరుగును. దీని వలన, కుటుంబ విలువలు బలపడతాయి మరియు ప్రగతిశీల వైఖరి ద్వారా సామాజిక మరియు సాంస్కృతిక అడ్డంకులు తక్కువైతాయి.