సహజ వ్యవసాయ పద్ధతులతో రైతులను బలోపేతం చేయడం

పర్యావలోకనం

రుణ బాధ, పంట దిగుబడి లేకపోవడం, సామాజిక ఒత్తిడి అన్నీ కలిపి అన్న దాతను ఇబ్బందిపెడతాయి. రైతులు వడ్డీ వ్యాపారుల వద్ద మరియు బ్యాంకులలో ఖరీదైన రసాయన ఎరువులు, పురుగు మందులు మరియు విత్తనాల కొనుగోలు కొరకు ఋణం తీసుకుంటారు. వర్షాలు పడకపోతే రైతులు తమ ఉత్పత్తులను కోల్పోతారు మరియు పంట ఋణం తీర్చలేరు.

ఆర్ట్ అఫ్ లివింగ్ వారు ప్రారంభించిన శ్రీ శ్రీ సహజ వ్యవసాయ ప్రాజెక్ట్, భారత దేశం అంతటా రైతులకు సహజంగా పంటలను పండించడాన్ని ప్రోత్సహించి తద్వారా తక్కువ ఖర్చుతో మంచి పంటను మరియు మెరుగైన ఉత్పత్తిని మరియుమంచి లాభాలను తెప్పించడానికి వాగ్దానం చేస్తోంది. 

ఇప్పుడు బాగా వాడుతున్న రసాయన ఎరువులు, పురుగు మందులు మరియు మిశ్రమజాతి విత్తనాల వలన రైతులు పెద్ద రుణాలు తీసుకోవడమే కాకుండా నీటిని కలుషితం చేయడం మరియు నేల యొక్క పోషకాలను తగ్గించడంతో పర్యావరణ వ్యవస్థను నాశనం చేస్తోంది. ఆర్ట్ అఫ్ లివింగ్ వారు ప్రోత్సహించే సహజ వ్యవసాయ పద్ధతులతో పర్యావరణ అనుకూలమై ఉండి ప్రకృతిలో స్థిరమైనదే కాకుండా తక్కువ పెట్టుబడి కలది.

ఇలాంటి పద్ధతులు భారతదేశం ఆర్ధిక వ్యవస్థ వ్యవసాయ ఆధారంగా ఉన్న తొలి రోజులలో అమలులో ఉన్నాయి. కానీ 60ల్లో వచ్చిన హరిత విప్లవం విపరీతమైన ఎరువులు మరియు మిశ్రమజాతి విత్తనాల వాడకానికి దారితీసి దేశంలోని రైతులను పీకల్లోతు రుణంలోకి నెట్టేసి పర్యావరణాన్ని కూడా దెబ్బతీసింది. ఇలాంటి సమయంలో రైతులను ఆదుకోవడానికి, నేలను పరిరక్షించడానికి పర్యావరణాన్ని కాపాడడానికి మరొక విప్లవానికి పిలుపునిస్తుంది.

శ్రీ శ్రీ సహజ వ్యవసాయ కార్యక్రమం ఈ విప్లవాన్ని ప్రారంభించింది.