പ്രകൃതിക്കിണങ്ങിയ കൃഷി രീതികളിലൂടെ കർഷകരുടെ ശാക്തീകരണം

ആമുഖം

കടം, വിളനാശം, സാമൂഹിക സമ്മർദ്ദം, എന്നിവ ഇന്ത്യയിലെ അന്നദാതാക്കളായ കർഷകരെ അലട്ടുന്നു. അവർ വിലകൂടിയ രാസവളങ്ങളും, കീടനാശിനികളും, വിത്തുകളും വാങ്ങാൻ ബാങ്കുകളിൽ നിന്നും, പണമിടപാടുകാരിൽനിന്നും വായ്‌പ എടുക്കുന്നു. എന്നാൽ മഴ ചതിച്ചാൽ കർഷകർക്ക് അവരുടെ ഉത്പ്പാദനം നഷ്ടപ്പെടുന്നു, അങ്ങനെ കടം തിരിച്ചടക്കാൻ മാർഗമില്ലാതെ വരുന്നു.

ആർട്ട്‌ ഓഫ് ലിവിംഗ് ആരംഭിച്ച ശ്രീ ശ്രീ നാച്ചുറൽ ഫാർമിങ് പ്രോജക്റ്റ്‌ ഇന്ത്യയിലുടനീളം ജൈവകൃഷി രീതി പ്രോത്സാഹിപ്പിക്കുന്നു. അത് കുറഞ്ഞ ചിലവും മെച്ചപ്പെട്ട ഉത്പദാനവും, ലാഭവും, കർഷകർക്ക് വാഗ്ദാനം ചെയ്യുന്നു.

നിലവിലെ രാസവളങ്ങൾ, കീടനാശിനികൾ, സങ്കരയിനം വിത്തുകൾ എന്നിവയുടെ വ്യാപകമായ ഉപയോഗം കർഷകരെ വൻ തോതിൽ വായ്പയെടുക്കുവാൻ പ്രേരിപ്പിക്കുക മാത്രമല്ല, ജലം മലിനമാക്കുകയും, മണ്ണിലെ പോഷകങ്ങളെ ഇല്ലാതാക്കുകയും ആവാസവ്യവസ്ഥയെ നശിപ്പിക്കുകയും ചെയ്യുന്നു. ആർട്ട്‌ ഓഫ് ലിവിംഗ് പ്രോത്സാഹിപ്പിക്കുന്ന ജൈവ കാർഷിക വിദ്യകൾ പ്രകൃതി, പരിസ്ഥിതിസൗഹൃദമുള്ള ,സുസ്ഥിരവും, ഉത്പദാനചിലവ് കുറഞ്ഞതുമായ രീതിയാണ്.

ഇന്ത്യയുടെ സമ്പദ് വ്യവസ്ഥ കൃഷിയുടെ അടിസ്ഥാനത്തിലായിരുന്ന. ആദ്യ കാലങ്ങളിൽ ഈ സാങ്കേതിക വിദ്യകൾ കൂടുതലായി ഉപയോഗിച്ചിരുന്നു. എന്നാൽ 60കളിലെ ഗ്രീൻ റെവല്യൂഷൻ വ്യാപകമായി വളങ്ങളുടേയും സങ്കരവിത്തുകളുടെ ഉപയോഗത്തേയും പ്രോത്സാഹിപ്പിച്ചു. ഇത്‌ ഇന്ത്യൻ കർഷകരെ കനത്ത കടക്കെണിയിൽ ആഴ്ത്തുകയും ആവാസവ്യവസ്ഥയെ ദോഷകരമായി ബാധിക്കുകയും ചെയ്തു. കർഷകരെ സഹായിക്കാനും മണ്ണിന്റെ ഗുണ നിലവാരം സംരക്ഷിക്കുവാനും ആവാസവ്യവസ്ഥയെ സംരക്ഷിക്കുവാനും കഴിയുന്ന മറ്റൊരു കാർഷിക വിപ്ലവത്തിന് ഇന്നത്തെ കാലം ആഹ്വാനം ചെയ്യുന്നു.

ശ്രീ ശ്രീ ജൈവകൃഷി പദ്ധതി ഈ വിപ്ലവത്തിനു തുടക്കമിട്ടിരിക്കുന്നു