നല്ല ഉറക്കം കിട്ടാൻ, അല്ലെങ്കിൽ ഉറക്കക്കുറവ് മാറ്റാൻ ഉള്ള വീട്ടു വൈദ്യങ്ങൾ | Home Remedies for Sleep Insomnia in Malayalam

നമ്മുടെ  സമൂഹത്തിൽ, വളരെയധികം ആളുകൾ ഉറക്കത്തെ  ആവശ്യത്തിനു പകരം  ആഡംബരമായി കാണുന്നു! നാഷണൽ സ്ലീപ്പ് ഫൗണ്ടേഷൻ്റെ അഭിപ്രായത്തിൽ, മുതിർന്നവരിൽ 30% മുതൽ 40% വരെ ആളുകൾ തങ്ങൾക്ക് ഇടയ്ക്കിടെ ഉറക്കമില്ലായ്മ ഉണ്ടെന്നും 10% മുതൽ 15% വരെ ആളുകൾ തങ്ങൾക്ക് ഉറക്ക പ്രശ്നങ്ങൾ എല്ലായ്പോഴും ഉണ്ടെന്നും പറയുന്നു.

ഉറക്കമില്ലായ്മയ്ക്ക് വിവിധ കാരണങ്ങളുണ്ടാകാം:

• തീവ്രമോ, വിട്ടുമാറാത്തതോ ആയ രോഗം
• അമിത ജോലി
• തീവ്രമായ ആശങ്കകൾ
• മലബന്ധം
• ശരിയായ രീതിയിൽ അല്ലാത്ത ദഹനം
• ക്രമരഹിതമായ ഭക്ഷണ ശീലങ്ങൾ

ആയുർവേദത്തിൽ ഉറക്കമില്ലായ്മ ‘അനിദ്ര’ എന്ന പേരിലാണ് അറിയപ്പെടുന്നത്.  വഷളായ ശരീര ഊർജ്ജങ്ങളെ സന്തുലിതമാക്കുന്നതിലൂടെ ഉറക്കമില്ലായ്മ ലഘൂകരിക്കാമെന്ന് ഇത് സൂചിപ്പിക്കുന്നു. അത് പിന്തുടരുന്ന മാർഗ്ഗം  ക്രമീകരിച്ച ആഹാരം, അനുയോജ്യമായ ജീവിതശൈലി , ആയുർവേദ ഡോക്ടർ നിർദ്ദേശിക്കുന്ന മരുന്നുകൾ പിന്തുടരുക. എന്നീ കാര്യങ്ങളാണ്.  കൂടാതെ, മനസ്സിൻ്റെ വിശ്രമവും ചികിത്സയുടെ ഒരു പ്രധാന ഭാഗമാണ്.

നല്ല ഉറക്കം കിട്ടാൻ,  അല്ലെങ്കിൽ ഉറക്കക്കുറവ് മാറ്റാൻ ഇന്ത്യയിൽ പിൻതുടരുന്ന വീട്ടുവൈദ്യങ്ങൾ

• കിടക്കുന്നതിന് മുമ്പ് ചെറുചൂടുള്ള പാൽ കുടിക്കുക

  ഉറക്കം നൽകുന്ന ഹോർമോണായ മെലറ്റോണിൻ്റെ ഉൽപാദനത്തെ പാൽ ഉത്തേജിപ്പിക്കുന്നു.

• സ്ക്രീൻ സമയം കുറയ്ക്കുക

  ഉറങ്ങാൻ പോകുന്നതിന് രണ്ട് മണിക്കൂർ മുമ്പ് എല്ലാ സ്ക്രീനുകളും നിർത്തുക. സ്‌ക്രീനുകളിൽ നിന്ന് പുറപ്പെടുന്ന നീല വെളിച്ചം ഉറക്കത്തിന് കാരണമാകുന്ന മെലറ്റോണിൻ എന്ന ഹോർമോണിൻ്റെ ഉൽപാദനത്തെ ബാധിക്കുന്നു.

• കഫീൻ ഉപേക്ഷിക്കുക

  നിങ്ങൾക്ക് ഉറക്കമില്ലായ്മ അനുഭവപ്പെടുകയാണെങ്കിൽ, കഫീൻ പാനീയങ്ങൾ, കാപ്പി, ചായ, ഗ്യാസുള്ള പാനീയങ്ങൾ എന്നിവയുടെ ഉപയോഗം നിർത്തുക. നിങ്ങൾക്ക് നേരിയ ഉറക്കമില്ലായ്മ അനുഭവപ്പെടുന്നുണ്ടെങ്കിൽ, സന്ധ്യക്ക് ശേഷം അവ കുടിക്കരുത്.

• ഈ കഷായം കഴിക്കുക

  3 ഗ്രാം പുതിയ പുതിനയിലയോ 1.5 ഗ്രാം പുതിനയിലയുടെ ഉണങ്ങിയ പൊടിയോ 1 കപ്പ് വെള്ളത്തിൽ 15-20 മിനിറ്റ് തിളപ്പിക്കുക. ഉറങ്ങാൻ പോകുമ്പോൾ 1 ടീസ്പൂൺ തേൻ ചേർത്ത് ഇളം ചൂടോടെ കഴിക്കുക.

• യോഗയും ധ്യാനവും ചെയ്തു വിശ്രമിക്കുക

  യോഗ, ശ്വസന വ്യായാമങ്ങൾ, ധ്യാനം എന്നിവ മനസ്സിനെ വിശ്രമിക്കാനും ഉറങ്ങാൻ അനുവദിക്കാനുമുള്ള മികച്ച മാർഗങ്ങളാണ്. ഉറക്കമില്ലായ്മയെ നേരിടാൻ ധ്യാനം എങ്ങനെ സഹായിക്കുമെന്ന് മനസിലാക്കുക.

• ആയുർവേദ ചികിത്സകളുടെ ശക്തി ഉപയോഗിക്കുക

  ശിരോധാര പോലുള്ള ആയുർവേദ ചികിത്സകൾ മനസ്സിനെ വിശ്രമിക്കാനും ഉറക്കമില്ലായ്മ പോലുള്ള അസ്വസ്ഥതകൾ ശമിപ്പിക്കാനും സഹായിക്കുന്നു. നിങ്ങളുടെ ശരീരത്തിന് ഏറ്റവും അനുയോജ്യമായ ചികിൽസകളെക്കുറിച്ച് അറിയാൻ ഒരു ആയുർവേദ ഡോക്ടറെ സമീപിക്കുക.

• ശരീരത്തെ ചലിപ്പിക്കുക

  നിങ്ങളുടെ ശരീരത്തെ ക്ഷീണിപ്പിക്കാനും ഊർജം സംഭരിക്കാനും ദിവസേന 30 മിനിറ്റെങ്കിലും കായികവിനോദമോ വ്യായാമമോ ചെയ്യുക. ഉറക്കമില്ലായ്മയെ നേരിടാൻ യോഗ നിങ്ങളെ എങ്ങനെ സഹായിക്കുമെന്ന് അറിയുക.

ഉറക്കമില്ലായ്മയ്ക്കുള്ള വീട്ടു വൈദ്യങ്ങളെ ക്കുറിച്ചുള്ള പതിവു ചോദ്യങ്ങൾ