ഇന്ത്യയിൽ ഓരോ മണിക്കൂറിലും ഒരു വിദ്യാർത്ഥി ആത്മഹത്യ ചെയ്യുന്നുണ്ടെന്നാണ് കണക്കുകൾ സൂചിപ്പിക്കുന്നത്. കഴിഞ്ഞ അഞ്ച് പതിറ്റാണ്ടുകളായി ഇന്ത്യയിൽ ആത്മഹത്യാ നിരക്ക് വർദ്ധിച്ചുകൊണ്ടിരിക്കുകയാണ്. ഈ പ്രശ്നം ഇപ്പോഴത്തെ തലമുറയിൽ ആണ് നടക്കുന്നത്. മുൻ തലമുറകൾ കൂടുതൽ സഹിഷ്ണുതയുള്ളവരായിരുന്നു. ഇപ്പോൾ ജീവിതം കൂടുതൽ സുഖകരമായി മാറിയിരിക്കുന്നു. നിങ്ങളുടെ ആഗ്രഹങ്ങൾ പൂർത്തീകരിക്കപ്പെടുന്നു, അതിനാൽ നിങ്ങൾ കൂടുതൽ വിഷാദത്തിലാകുകയും ചെയ്യുന്നു. നിങ്ങൾക്കു വളരെയധികം പരിശ്രമിക്കേണ്ടതായി വരുന്നില്ല. ര്യങ്ങൾ എളുപ്പത്തിൽ ലഭിക്കുന്നു, അതു കാരണം നിങ്ങളുടെ മനസ്സ് അലഞ്ഞുതിരിയുന്നു.
നിങ്ങളുടെ മനസ്സിന് എന്തെങ്കിലും ചെയ്യുക
ആവശ്യമാണ്. നിങ്ങൾ ശാരീരിക പ്രവർത്തനങ്ങൾ നടത്തുകയോ, ഓടുകയോ നല്ല വ്യായാമം ചെയ്യുകയോ ചെയ്യുന്ന സമയത്ത് നിങ്ങളുടെ മനസ്സ് പ്രവർത്തിക്കില്ല. എന്നാൽ നിങ്ങൾ വെറുതെ ഇരുന്നു സോഷ്യൽ മീഡിയയിലേക്ക് നോക്കുകയാണെങ്കിൽ, നിങ്ങളുടെ മനസ്സ് വളരെ വേഗത്തിൽ പ്രവർത്തിക്കുന്നു. ഇത് വിഷാദരോഗത്തിലേക്ക് നയിക്കുകയും ചെയ്യും.
വിഷാദം എവിടെ നിന്ന് വരുന്നു?
- കുറഞ്ഞ ഊർജ്ജം: നിങ്ങളുടെ ഊർജ്ജം കുറയുമ്പോൾ, വിഷാദം സംഭവിക്കുന്നു. ഊർജ്ജം സാധാരണ നിലയിൽ ആയിരിക്കുമ്പോൾ, നിങ്ങൾക്ക് സ്വാഭാവികത അനുഭവപ്പെടും. ഊർജത്തിൻ്റെ ബാരോമീറ്റർ താഴുമ്പോൾ, നിങ്ങൾക്ക് താൽപ്പര്യമില്ലായ്മ അനുഭവപ്പെടുന്നു. തുടർന്ന് നിങ്ങൾ വിഷാദാവസ്ഥയിലാകും. അത് കൂടുതൽ താഴേക്ക് പോകുമ്പോൾ, നിങ്ങളിലുള്ള സന്നദ്ധത നഷ്ടപ്പെടും.
- എന്നേക്കുറിച്ച് എന്ത്?: വെറുതെ ഇരുന്നു ചിന്തിക്കുന്നു.എന്നെക്കുറിച്ച് എന്ത്? എന്നെക്കുറിച്ച് എന്ത്? എന്നെക്കുറിച്ച് എന്ത്?, എന്ന് . വിഷാദരോഗം വരാനുള്ള ഒരു വിദ്യയാണിത്. വെറുതെ ഇരുന്നു നിങ്ങളെക്കുറിച്ച് ചിന്തിക്കുക. എന്നെക്കുറിച്ച് എന്തുപറയുന്നു? എനിക്ക് എന്ത് സംഭവിക്കും? എനിക്ക് എന്ത് സംഭവിക്കും? നിങ്ങൾക്ക് എന്ത് സംഭവിക്കും? നിങ്ങൾ മണ്ണിനടിയിൽ തിരശ്ചീനമായി മാറും!
- അഭിനന്ദനത്തിൻ്റെ അഭാവം: വിരസത നിങ്ങളെ നിരാശയിലേക്കും വിഷാദത്തിലേക്കും നയിക്കുമ്പോൾ അത് ഒരു ശാപമാണ്. ജീവിതത്തിൽ, നിങ്ങൾ ഒന്നിനെയും ആരാധിക്കുകയോ അഭിനന്ദിക്കുകയോ ചെയ്യുന്നില്ലെങ്കിൽ, നിങ്ങളിൽ നിഷേധാത്മകത നിറയും; ആരാധിക്കാനോ പ്രശംസിക്കാനോ ഒന്നുമില്ലാത്ത ഒരു വ്യക്തി വിഷാദത്തിലേക്ക് വീഴുമെന്ന് ഉറപ്പാണ്.
- സ്ഥായിയായ ധാരണ: ജീവിതത്തെക്കുറിച്ചുള്ള സ്ഥായിയായ ധാരണയുടെ അടയാളമാണ് വിഷാദം. ജീവിതത്തിൽ എല്ലാം നിർജ്ജീവമാണെന്നും, നിശ്ചലമാണെന്നും, അതിൽ കൂടുതലൊന്നും ഇല്ലെന്നും, എവിടെയും പോകാനില്ലെന്നും തോന്നുമ്പോൾ, നിങ്ങൾ വിഷാദത്തിലാകും.
വിഷാദവും ഉത്കണ്ഠയും എങ്ങനെ മറികടക്കാം?
- ധൈര്യം ഉണർത്തുക: ആദ്യം, നിങ്ങളുടെ ഉള്ളിലുള്ള ധൈര്യം ഉണർത്തുക. തിരിഞ്ഞു നോക്കൂ, ഭൂതകാലത്തിൽ നിങ്ങൾ പല പ്രതിസന്ധികളും തരണം ചെയ്തിട്ടുണ്ട്. ഇതിനെയും നിങ്ങൾക്ക് മറികടക്കാൻ കഴിയുമെന്ന് അറിയുക.
- നിങ്ങളുടെ കാഴ്ചപ്പാട് വിശാലമാക്കുക: വലിയ പ്രശ്നങ്ങളിലേക്ക് നോക്കുക. ലോകത്തെ നോക്കുക – ബൃഹത്തും വലുതുമായ പ്രശ്നങ്ങളുണ്ട്. നിങ്ങളുടെ പ്രശ്നങ്ങൾ ചെറുതായി കാണപ്പെടും. നിങ്ങളുടെ പ്രശ്നങ്ങൾ ചെറുതായി തോന്നുന്ന നിമിഷം, അവ കൈകാര്യം ചെയ്യാനും പരിഹരിക്കാനും ഉള്ള ഊർജവും ആത്മവിശ്വാസവും നിങ്ങൾക്ക് ലഭിക്കും.
സന്തോഷത്തിലേക്കുള്ള ‘വര’! ഒരിക്കൽ, ജ്ഞാനിയായ ഒരു മനുഷ്യൻ ഒരു ബോർഡിൽ ഒരു വര വരച്ച്, അതിൽ തൊടാതെയും മായ്‌ക്കാതെയും വര ചെറുതാക്കാൻ തൻ്റെ വിദ്യാർത്ഥിയോട് പറഞ്ഞു. നിങ്ങൾ അത് എങ്ങനെ ചെയ്യും? ഒരു വര അതിൽ തൊടാതെ ചെറുതാക്കണം. ബുദ്ധിമാനായ ഒരാൾ (വിദ്യാർത്ഥി) ആ വരയ്ക്ക് താഴെ കൂടുതൽ നീളമുള്ള ഒരു വര വരച്ചു. അങ്ങനെ, ആദ്യത്തെ രേഖ സ്വാഭാവികമായും ചെറുതായി. ഇവിടെ നിന്നും ഉൾക്കൊള്ളേണ്ട പാഠം എന്താണെന്നു വച്ചാൽ, നിങ്ങളുടെ ബുദ്ധിമുട്ടുകൾ വളരെ വലുതാണെന്ന് തോന്നുകയാണെങ്കിൽ, നിങ്ങളുടെ കണ്ണുകൾ ഉയർത്തുക, കാരണം നിങ്ങൾ നിങ്ങളിലേക്ക് മാത്രമാണ് ശ്രദ്ധ കേന്ദ്രീകരിച്ചിരിക്കുന്നത്. സ്വന്തം കണ്ണുകൾ ഉയർത്തി ബുദ്ധിമുട്ടുള്ള മറ്റുള്ളവരെ നോക്കുകയാണെങ്കിൽ, നിങ്ങളുടെ ക്ലേശം നിങ്ങൾ നേരത്തെ വിചാരിച്ചതുപോലെ അത്രയ്ക്ക് തീവ്രമല്ലെന്ന് പെട്ടെന്ന് നിങ്ങൾക്ക് തോന്നും. നിങ്ങൾക്ക് എന്തെങ്കിലും വലിയ പ്രശ്‌നമുണ്ടെന്ന് നിങ്ങൾ കരുതുന്നുവെങ്കിൽ, വലിയ പ്രശ്‌നമുള്ള ആളുകളെ നോക്കുക. പെട്ടെന്ന്, “എൻ്റെ പ്രശ്നം വളരെ ചെറുതാണെന്നും എനിക്ക് അത് കൈകാര്യം ചെയ്യാൻ കഴിയും”, എന്നും ഉള്ള ആത്മവിശ്വാസം നിങ്ങൾക്ക് ലഭിക്കും.
- സേവനത്തോടുള്ള പ്രതിജ്ഞാബദ്ധത: തുടർന്ന് ഒരു പടി കൂടി മുന്നോട്ട് പോകുക. നിങ്ങൾക്ക് ഉപയോഗപ്രദമെന്ന് തോന്നുന്ന ഒന്നിൽ നിങ്ങളുടെ ഊർജ്ജം കേന്ദ്രീകരിക്കുക; നിങ്ങളുടെ ജീവിതലക്ഷ്യം കണ്ടെത്തുക. സന്തോഷത്തെ പിന്തുടരുന്നതിനു പകരം അത് മറ്റുള്ളവരുടെ ജീവിതത്തിലേക്ക് കൊണ്ടുവരുന്നതാണ് ഏറ്റവും അർത്ഥവത്തായ കാര്യം. ഏറ്റവും കൂടുതൽ ആവശ്യമുള്ളവരെ ആണ് സേവിക്കേണ്ടത് . മറ്റുള്ളവരോട് പങ്കിടാനും സേവിക്കാനും നിങ്ങൾ സ്വയം പ്രതിജ്ഞാബദ്ധനാകുമ്പോൾ, നിങ്ങളുടെ പ്രശ്നം ചെറുതായി കാണപ്പെടും. നിങ്ങൾ എപ്പോഴും നിങ്ങളെക്കുറിച്ചാണ് ചിന്തിക്കുന്നതെങ്കിൽ, നിങ്ങളുടെ പ്രശ്നം പരിഹരിക്കാനാവാത്തതാണ്. എന്നാൽ ലോകത്ത് എന്താണ് സംഭവിക്കുന്നതെന്ന് നിങ്ങൾ മനസ്സ് തുറന്ന് നോക്കുകയാണെങ്കിൽ, നിങ്ങളുടെ പ്രശ്നത്തിൽ നിങ്ങൾ ഒറ്റയ്ക്കല്ലെന്ന് തിരിച്ചറിയും.
- നിങ്ങളുടെ മനസ്സിനെ ശക്തിപ്പെടുത്തുക: നിങ്ങളുടെ മനസ്സിൻ്റെ ശക്തിയിൽ വിശ്വസിക്കുക. നിങ്ങൾ എന്തു വിതയ്ക്കുന്നുവോ അതുപോലെ കൊയ്യും. നിങ്ങളുടെ ബോധത്തിൽ കൂടുതൽ ശുഭകരമായ വിത്തുകൾ ഇടുക, അതുവഴി നിങ്ങളുടെ മനസ്സ് നിഷേധാത്മകതയേക്കാൾ കൂടുതൽ ശുഭാത്മകത ആകർഷിക്കാൻ തുടങ്ങും.
- നിങ്ങളുടെ ഊർജ്ജം വർദ്ധിപ്പിക്കുക: നിങ്ങൾക്ക് ആർക്കെങ്കിലും മരുന്ന് നൽകുന്നത് തുടരാം. കുറച്ച് കാലത്തേക്ക് മാത്രമാണ് അവ പ്രവർത്തിക്കുക. മരുന്ന് പരിഹാരമല്ല. അപ്പോൾ നിങ്ങൾക്ക് മറ്റെന്താണ് ചെയ്യാൻ കഴിയുക? വ്യായാമം, ശരിയായ ഭക്ഷണം, ധ്യാനം, ശ്വാസോച്ഛ്വാസം, സുദർശന ക്രിയ തുടങ്ങി എല്ലാ പ്രവർത്തനങ്ങളിലൂടെയും നിങ്ങളിലെ പ്രാണയെ ഉയർത്തണം. ഇത് നിങ്ങളിലെ ഊർജത്തിൻ്റെ തലം ഉയർത്തും. ധ്യാനം നിങ്ങൾക്കു തീക്ഷ്ണത, സന്തോഷം, കൂടുതൽ അവബോധം എന്നിവ നല്കുന്നു. അത് നിങ്ങളെ വർത്തമാന നിമിഷത്തിൽ വളരെ ജീവനുള്ളതായി തോന്നിപ്പിക്കുകയും മുൻകാലങ്ങളിൽ സംഭവിച്ചതിൽ നിന്ന് നിങ്ങളെ വിച്ഛേദിക്കുകയും ചെയ്യുന്നു. ഊർജം ഉയർന്നിരിക്കുമ്പോൾ, നിങ്ങൾക്ക് സന്തോഷം തോന്നുന്നു. നിങ്ങൾക്ക് ഉത്സാഹം തോന്നുന്നു. ഇത് പൂർണ്ണമാകുമ്പോൾ, നിങ്ങൾ പരമാനന്ദം അനുഭവിക്കും. സമാധി. ധ്യാനം. അതുകൊണ്ട് ഇത് വളരെ വളരെ പ്രധാനമാണ്.
- സ്വാഭാവികതയുള്ളവരായിരിക്കുക! നിങ്ങളുടെ ഉള്ളിലേക്ക് ആഴ്ന്നിറങ്ങാൻ കുറച്ച് മിനിറ്റുകൾ എടുക്കുമ്പോൾ സ്വാഭാവികത വരും. എല്ലാം സാധാരണമായിരിക്കുമ്പോഴും എല്ലാം നിങ്ങൾ ആഗ്രഹിക്കുന്ന രീതിയിൽ നടക്കുമ്പോഴും പുഞ്ചിരിക്കുന്നതിൽ വലിയ കാര്യമൊന്നുമില്ല. എന്നാൽ ഉള്ളിലെ വീര്യത്തെ നിങ്ങൾ ഉണർത്തുകയും, ‘എന്തും വന്നോട്ടെ, ഞാൻ പുഞ്ചിരിച്ചുകൊണ്ടേയിരിക്കും’ എന്ന് പറയുകയു ചെയ്യുകയാണെങ്കിൽ, നിങ്ങളുടെ ഉള്ളിൽ നിന്ന് ഉയരുന്ന അത്ഭുതകരമായ കരമായ ഊർജ്ജം നിങ്ങൾ അറിയും. പിന്നെ പ്രശ്നം ഒന്നുമല്ലാതാകും; അത് വരുന്നു, അപ്രത്യക്ഷമാകുന്നു.
- നിങ്ങളുടെ ശ്വാസത്തിൻ്റെ ശക്തി വെളിപ്പെടുത്തുക: നമ്മുടെ ശ്വാസം നമ്മുടെ വികാരങ്ങളുമായി ബന്ധപ്പെട്ടിരിക്കുന്നു. ഓരോ വികാരത്തിനും, ശ്വാസത്തിൽ ഒരു പ്രത്യേക താളം ഉണ്ട്. അതിനാൽ, നിങ്ങളുടെ വികാരങ്ങളെ നേരിട്ട് നിയന്ത്രിക്കാൻ കഴിയാത്തപ്പോൾ, ശ്വസനത്തിൻ്റെ സഹായത്തോടെ നിങ്ങൾക്ക് അത് ചെയ്യാൻ കഴിയും. നിങ്ങൾ തീയറ്ററിൽ നാടകം അഭിനയിക്കുകയാ ണെങ്കിൽ, ദേഷ്യം ണിക്കേണ്ടിവരുമ്പോൾ സംവിധായകൻ നിങ്ങളോട് വേഗത്തിൽ ശ്വസിക്കാൻ ആവശ്യപ്പെടുന്നത് നിങ്ങൾക്കറിയാം. ശാന്തമായ ഒരു രംഗം കാണിക്കേണ്ടി വന്നാൽ, സംവിധായകൻ നിങ്ങളോട് മൃദുവായും സാവകാശവും ശ്വസിക്കാൻ പറയും. നമ്മുടെ ശ്വാസത്തിൻ്റെ താളം മനസ്സിലാക്കിയാൽ, സ്വന്തം മനസ്സിൻ്റെ മേൽ നമുക്ക് നിയന്ത്രണം നേടാം. കോപം, അസൂയ, അത്യാഗ്രഹം തുടങ്ങിയ ഏത് നിഷേധാത്മക വികാരങ്ങളെയും നമുക്ക് ജയിക്കാൻ കഴിയും, കൂടാതെ നമ്മുടെ ഹൃദയത്തിൽ നിന്ന് കൂടുതൽ പുഞ്ചിരിക്കാനും നമുക്ക് കഴിയും. സുദർശൻ ക്രിയ പോലുള്ള ശ്വസന വിദ്യകൾ ശരിക്കും സഹായിക്കും. സുദർശന ക്രിയയുടെ പതിവ് പരിശീലനത്തിലൂടെ സമ്മർദ്ദം, ഉത്കണ്ഠ, വിഷാദം എന്നിവ കുറയുന്നതായി വിവിധ പഠനങ്ങൾ തെളിയിച്ചിട്ടുണ്ട്.
- ഉയർന്ന ശക്തിയിൽ വിശ്വസിക്കുക: പലപ്പോഴും, കോപത്തിലോ നിരാശയിലോ, നമ്മൾ പറയും, ‘ഞാൻ എല്ലാം വിട്ടു, ‘ എന്ന് . എന്നാൽ നിരാശയോ കോപമോ കൂടാതെ, പറയുക, “ ഞാൻ ഇത് വിട്ടു കൊടുത്തു , എനിക്ക് ഇത് പരിഹരിക്കാൻ കഴിയില്ല; ദൈവം എന്നെ സഹായിക്കട്ടെ.” നിങ്ങൾ എല്ലായ്പ്പോഴും സഹായിക്കപ്പെടുമെന്ന് അറിയുക. പ്രപഞ്ചത്തിലെ ഒരു ശക്തി നിങ്ങളെ സഹായിക്കാൻ പോകുന്നുവെന്ന ആത്മവിശ്വാസം ഉണ്ടായിരിക്കുക. നിങ്ങൾ സഹായിക്കപ്പെടുമെന്ന ആത്മവിശ്വാസം ഉണ്ടായിരിക്കുക. പ്രാപഞ്ചികശക്തി നിങ്ങളെ സഹായിക്കാൻ പോകുന്നു.
സംഗ്രഹം
വിഷാദത്തെ അതിജീവിക്കുന്നതിനും ആന്തരിക സമാധാനം കണ്ടെത്തുന്നതിനും കാഴ്ചപ്പാടിലും സജീവമായ പ്രവർത്തനങ്ങളിലും ഒരു മാറ്റം ആവശ്യമാണ്. നമ്മുടെ കാഴ്ചപ്പാട് വിശാലമാക്കുന്നതിലൂടെയും പ്രശ്നങ്ങൾ താൽക്കാലികമാണെന്ന് അംഗീകരിക്കുന്നതിലൂടെയും മറ്റുള്ളവരെ സേവിക്കുന്നതിലേക്ക് നമ്മുടെ ശ്രദ്ധ മാറ്റുന്നതിലൂടെയും നമുക്ക് കൂടുതൽ ഊർജ്ജവും സന്തോഷവും അനുഭവിക്കാൻ കഴിയും. ഇത് സംഭവിക്കാൻ ശ്വസനത്തിൻ്റെയും ധ്യാനത്തിൻ്റെയും ശക്തി നാം ഉപയോഗിക്കേണ്ടതുണ്ട്. അപ്പോൾ നമുക്ക് സഹിഷ്ണുതയും സന്തോഷവും വളർത്തിയെടുക്കാം. വിശ്വാസവും സ്വാഭാവികതയും ,സന്തോഷകരവും കൂടുതൽ സംതൃപ്തവുമായ ജീവിതത്തിലേക്കുള്ള പാതയിലേക്ക് നമ്മെ നയിക്കും.
ആർട്ട് ഓഫ് ലിവിംഗ് ഹാപ്പിനസ് പ്രോഗ്രാമിലൂടെ വിഷാദത്തെ അതിജീവിക്കാനും ആന്തരിക സമാധാനം കണ്ടെത്താനുമുള്ള വഴി കണ്ടെത്തുക.
ഇത് പ്രൊഫഷണൽ മെഡിക്കൽ ഉപദേശത്തിനോ രോഗനിർണയത്തിനോ ചികിത്സയ്‌ക്കോ പകരമായി ഉദ്ദേശിച്ചുള്ളതല്ല. ഒരു മെഡിക്കൽ അവസ്ഥയുമായി ബന്ധപ്പെട്ട് നിങ്ങൾക്ക് ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ ദാതാവിൻ്റെയോ ഉപദേശം തേടുക.
