அட்வான்ஸ்ட் மெடிடேஷன் புரொகிராம்

உங்கள் காருக்கு எப்படி ஆறு முதல் பன்னிரண்டு மாதங்களுக்கு ஒரு முறை பராமரிப்பு தேவையோ, அதேபோல், உங்கள் உடலுக்கும் மனதுக்கும் அவ்வப்போது சீரமைப்பும், புத்துணர்வும் தேவை. இணையவழி தியான மற்றும் மூச்சுப் பயிற்சி/ஆனந்த அனுபவம் பயிற்சியில் நீங்கள் பெற்ற மகிழ்ச்சி மற்றும் சக்தியின் ஊக்கத்தை தக்கவைத்துக் கொள்ளவும், அதிகரித்துக் கொள்ளவதற்குமான வழியே இம்முதுநிலைப் பயிற்சி. தியானத்தின் ஆழத்திற்கு செல்வதால் நீங்கள் ஆழ்ந்த ஓய்வை அனுபவிப்பீர்கள்; யோகியாக ஒன்றும் ஆகிவிடமாட்டீர்கள்! உண்மையில், ஆழ்ந்த ஓய்வுக்காக பலர் இப்பயிற்சியை திரும்பத் திரும்ப மேற்கொள்ளுகிறார்கள்; ஒவ்வொரு முறையும் தனித்துவமான அனுபவத்தை அடைகிறார்கள்.

உங்களுக்கு இப்போது மன அழுத்தம் இல்லை என்பதில் மகிழ்ச்சி. ஆனால், வயது ஏற ஏற, காலம் செல்லச் செல்ல உங்கள் வேலை பளுவும், பொறுப்புகளும் அதிகரித்துக் கொண்டே போகும். அந்நேரத்தில் மன அழுத்தம் வரும் வரை காத்திருக்காமல், இப்போதிலிருந்தே உங்களை தயார்படுத்திக் கொள்வது நல்லது அல்லவா? வருடாந்திர தேர்வுகள் ஆண்டு முடிவில்தான் நடத்தப் படுகின்றன என்பதற்காக, நாம் ஆண்டு முடிவு வரை காத்திருந்து படிப்பதில்லை அல்லவா? சேமிப்பு முழுதும் தீர்ந்த பிறகு சம்பாதிப்போம் என்று நாம் காத்திருப்பதில்லை அல்லவா? முன்னரே தயார் செய்துகொள்ளுகிறோம். அதுபோலவே, மன அழுத்தம் வருவதற்கு முன்பே அதை கையாளுவதற்கான தியான நுட்பங்களை கற்று, எந்த ஒரு பின்னடைவிலிருந்தும் மீளும் தன்மையையும், வலிமையையும் நம்முள் கட்டமைத்துக் கொள்ளலாம் அல்லவா?

இப்பயிற்சி உங்களுக்கு சில சுவாச நுட்பங்களை கற்றுத் தந்து உங்கள் சக்தியை அதிகரிக்கும். ஆழ்ந்த ஓய்வையும், பொருள் நிறைந்த, நுண்ணிய மௌனத்தையும் அனுபவிப்பீர்கள். இப்பயிற்சியின் செயல்முறைகள் எல்லாம் மிக இயல்பானவை; உங்களை மேலும் வலிமையானவராகவும், எந்த பிரச்சினையிலிருந்தும் மீளும் தன்மையுடையவராகவும் ஆக்குபவை. இப்பயிற்சியை மேற்கொள்ளுவதற்கு வயது ஒரு தடை அல்ல!

இப்பயிற்சியிலிருந்து அதிகபட்ச பலனை பெற, குறுஞ்செய்தி (வாட்ஸப், எஸ் எம் எஸ்) அனுப்புதல், மின்னஞ்சல் (ஈமெயில்) அனுப்புதல், மற்றும் அனைத்து விதமான வாய்மொழி தொடர்பையும் முடிந்தவரை தவிர்க்குமாறு நாங்கள் பரிந்துரைக்கிறோம். உங்களுக்குள் ஆழ்ந்து செல்லவும், உங்களை நீங்களே கண்டெடுக்கவும் அதிகபட்ச நேரம் அளிப்பதே இப்பயிற்சியின் நோக்கம். நீங்கள் நினைப்பதைவிட இது எளிதானதே!

இல்லை! முதுநிலை தியான பயிற்சியும் விபாஸனா தியானமும் ஒன்றல்ல! முதுநிலை பயிற்சியின் அனுபவம் ஒருவர் பெறக்கூடிய மிகச் சிறந்த, சக்திவாய்ந்த அனுபவமாக கருதப்படுகிறது; இதில் பெறும் நுண்ணறிவும், ஆழமும் வாழ்க்கையை மாற்றியமைக்கக் கூடியவை. விழிப்பு நிலை மற்றும் நோய் எதிர்ப்பு சக்தியை அதிகரித்து, வாழ்வின் தரத்தை மேம்படுத்த இப்பயிற்சியில் பின்பற்றும் செயல்முறைகள் உதவுகின்றன என்று அனைத்து இந்திய மருத்துவ அறிவியல் கழகம் (AIIMS) உள்ளிட்ட பல முன்னணி ஆய்வு நிறுவனங்களின் ஆய்வு முடிவுகள் உணர்த்துகின்றன.

இப்பயிற்சி மூன்று முழு நாட்கள் நடக்கும். அதிகாலை 6 அல்லது 7 மணிக்கு தொடங்கி இரவு 8 அல்லது 9 மணிக்கு முடியும். எனவே, மூன்று நாட்களுக்கு அன்றாட வாழ்விலிருந்து விலகி இருக்கவும், உங்களுக்கு நீங்களே ஒரு விடுமுறையை பரிசளித்துக் கொள்ளவும் தயாராகுங்கள்.

இப்பயிற்சியே தினசரி வழக்கத்திலிருந்து உங்களுக்கு ஒரு விடுமுறையை அளிக்கவே வடிவமைக்கப்பட்டிருக்கிறது. இயற்கைத் தேவைகள் மற்றும் உணவுக்கான குறுகிய இடைவேளைகள் நிச்சயம் உண்டு.

இப்பயிற்சியில் தொடர்ச்சியாக வழிக்காட்டுதலுடன் கூடிய தியானம் இருக்கும், தனிப்பட்ட மந்திரம் கிடையாது. மந்திரத் தியானத்தில் உங்களுக்கு ஆர்வம் இருந்தால், எங்கள் ஸஹஜ் சமாதி தியான பயிற்சியில் நீங்கள் சேரலாம்.

உங்களால் இணையவழி தியான மற்றும் மூச்சுப் பயிற்சி/ஆனந்த அனுபவம் பயிற்சியை மேற்கொள்ள முடிந்திருந்தால், முதுநிலை தியான பயிற்சியையும் செய்ய முடியும். எனினும், உடல் நிலை குறித்த பிரச்சினைகள் ஏதேனும் உங்களுக்கு இருந்தால், முன்னரே ஆசிரியரிடம் தெரியப்படுத்துவது நல்லது.

இல்லை. உணவுப் பழக்கங்கள் இப்பயிற்சிக்கு பொருட்டல்ல. ஆனால் பயிற்சியில் கலந்து கொள்ளும் நாட்களில் இலகுவான, சைவ உணவை நாங்கள் பரிந்துரைப்போம். இது உங்களை ஆழ்ந்த தியானத்தில் செலுத்தும்.

முதுநிலை தியானப் பயிற்சியை ஒருமுறை முடித்த பிறகு அந்த சக்திவாய்ந்த பயிற்சிக்கு நீங்கள் தகுதி பெறுகிறீர்கள். உங்களுடைய அன்றாட பயிற்சியை மேம்படுத்த அதை இலவசமாக கற்கலாம். முதுநிலை பயிற்சியை முடித்தவுடன் இது குறித்து உங்கள் ஆசிரியரை தொடர்பு கொள்ளவும்.