அடிமட்டத்திலிருந்து பெண்களுக்கு அதிகாரமளிக்கும் முயற்சி

உத்தி

எங்கள் உத்தி கீழ்கண்டவற்றை உள்ளடக்கியது:

தொழிற்பயிற்சி அளித்தல்: கிராமப்புற பெண்கள் பொருளாதார ரீதியாக தற்சார்பு பெற சணல் பைகள் தயாரிப்புக்கு வெட்டுதல், தைத்தல், எம்ப்ராய்டரி, மணிவேலை ஆகியவற்றிலும், ஊதுபத்தி தயாரிப்பிலும் அவர்களுக்கு நாங்கள் பயிற்சி அளிக்கிறோம்.

சமூகக்குழுக்களுக்கு விழிப்புணர்வளித்தல்: இந்தியாவில் பாலின தேர்வுக்கும், பெண் கருக்கொலைக்கும் எதிராக விழிப்புணர்வை கொண்டுவர, தி கேர்ள் சைல்ட் கேம்பைன் (The Girl Child Campaign) 2013 மற்றும் தி ஆக்ட் நௌ கேம்பைன் (The Act Now Campaign) 2014, ஆகியப் பிரச்சாரங்களை மேற்கொண்டோம்.

தனிநபரை வலுப்படுத்துதல்: மன அழுத்தத்தை குறைப்பதற்கான நுட்பங்களை நாங்கள் பெண்களுக்கு கற்றுத்தருகிறோம். இவை அவர்களை உள்ளிருந்து வலுப்படுத்தி, அவர்களின் தன்னம்பிக்கையை மேம்படுத்த உதவுகிறது.

ஒரு ஆதரவான சமூககுழுமத்தை கட்டமைத்தல்: தனியொருவராக இல்லாமல், ஒரு குழுவாக சேர்ந்து சவால்களை எதிர்கொள்ள, சமூகமனப்பாங்கை வளர்த்துக்கொள்ள நாங்கள் உதவுகிறோம். பெண்கள் தம்மிடையே கருத்துக்களை பரிமாறிக்கொள்ளவும், சேர்ந்து பணி செய்யவும் உதவும் தளங்களை அமைத்துத் தந்து, அவர்கள் குரலை மேலும் வலுப்படுத்த உதவுகிறோம்

சுகாதர வசதிகள் கிடைக்கும்படி செய்தல்: நகர்ப்புறம் மற்றும் கிராமப்புறத்தில் பின்தங்கிய பெண்களுக்கு மருத்துவ முகாம்களை ஏற்பாடு செய்கிறோம்.