நம் காலத்தின் மிகப் பெரிய நெருக்கடியை எதிர்த்துப் போராடல்

விரைவுப் பார்வை

நம் இயற்கை வளங்கள் கட்டுக்கடங்காமல் மாசடைந்து வருகின்றன. தூய்மையான குடிநீரும், வேதிப்பொருள் கலக்காத உணவும், சுத்தமான காற்றும் கூட நமக்குக் கிடைப்பதில்லை. சுற்றுப்புறச் சூழல் சீர்கேடு நமக்கு மட்டுமல்ல, நம் பொருளாதாரத்திற்கும் கேடானது. சூழல் சீரழிவால் இந்தியாவிற்கு 80 பில்லியன் அமெரிக்க டாலர் அளவுக்கு செலவு ஏற்படுகிறது. இது நம் மொத்த உள்நாட்டு உற்பத்தியில் 6% எனக் கணக்கிடப்படுகிறது.

நாங்கள் இந்நிலையை மாற்ற எண்ணுகிறோம். குருதேவ் ஸ்ரீ ஸ்ரீ ரவிசங்கர் அவர்களின் தொலைநோக்குப் பார்வையால் உந்தப்பட்டு, உலகெங்கிலுமுள்ள தன்னார்வத் தொண்டர்கள், தீவரமான சுற்றுச்சூழல் நெருக்கடிகளை எதிர்த்துப் போராட பல திட்டங்களைத் தொடங்கியுள்ளார்கள். மிஷன் க்ரீன் எர்த் என்னும் திட்டத்தின் கீழ் பெரிய அளவில் மரக்கன்றுகள் நடுதல், வறண்ட நதிகளின் புத்துயிர்ப்பு, மாசடைந்த நதிகளைத் தூய்மைப்படுத்துதல், கோவில்களில் கழிவு மேலாண்மை, மண் வளத்தைக் காக்க இயற்கை வேளாண்மை ஆகியவை இதில் அடங்கும். பெரும்பாலும் எங்கள் திட்டங்கள் இயற்கை வளங்களைக் காப்பதின் மூலம் ஊரக வாழ்வாதாரத்தை பாதுகாக்கும் நோக்கத்தை மையமாகக் கொண்டவை.

நம் நாடு எதிர்கொள்ளவிருக்கும் நீர் நெருக்கடியைக் கையாள 72 நதிகளும், அவற்றின் துணையாறுகளும் புத்துயிர் பெற்றுள்ளன.