இயற்கை வேளாண்மை உத்திகளை விவசாயிகளுக்கு அளித்து அவர்களுக்கு வலிமையூட்டுதல்

கண்ணோட்டம்

கடன் சுமை , விளைச்சல் குறைவு மற்றும் சமூக அழுத்தம் போன்றவை இந்தியாவின் அன்னதாதாவான விவசாயிகளை துன்புறுத்துகின்றன . விவசாயிகள் வங்கிகள் மற்றும் நிதியாளர்களிடம் கடன்வாங்கி விலையுயர்ந்த இரசாயன உரங்கள், பூச்சிக்கொல்லிகள் மற்றும் விதைகளை வாங்குகிறார்கள். மழை பொய்த்துவிடும்போது , விளைச்சலை இழந்து தாம் வாங்கிய கடன்களைத் திரும்பச் செலுத்த வழியற்ற நிலைக்குத் தள்ளப்படுகிறார்கள்.

Sri ஆர்ட் ஆஃப் லிவிங் வழங்கும் ஸ்ரீ ஸ்ரீ இயற்கை வேளாண்மைத் திட்டம் இந்தியா முழுவதிலும் விவசாயிகள் இயற்கை விவசாய உத்திகளை மேற்கொள்வதை ஊக்குவிக்கின்றது, அத்துடன் விவசாயிகள் குறைந்த செலவில், மேம்பட்ட உற்பத்தி மற்றும் அதிக லாபம் பெறுவதற்கான உத்திரவாதமும் அளிக்கிறது.

தற்போது பெருமளவு பயன்படுத்தப்படும் இரசாயன உரங்கள், பூச்சி நாசினிகள் மற்றும் கலப்பின விதைகள் போன்றவற்றை வாங்க விவசாயிகள் மிகப்பெரிய தொகையை கடனாகப் பெறவேண்டிய நிர்பந்தத்திற்கு ஆளாகிறார்கள். அதுமட்டுமன்றி அந்த இரசாயனங்கள் நீரை மாசுபடுத்தி, மண்ணின் ஊட்டச்சத்துக்களைக் குறைத்து, இயற்கைச் சூழலுக்கும் பாதிப்புகளை ஏற்படுத்துகின்றன. ஆர்ட் ஆஃப் லிவிங் ஊக்குவிக்கும் இயற்கை விவசாய உத்திகள் சுற்றுச்சூழலுக்கு உகந்ததாகவும், மண்ணின் வளத்தைப் பேணிக்காக்கும் தன்மையுடையதாகவும் இருப்பதோடு குறைந்த முதலீட்டுச் செலவுடைதாயும் அமைந்துள்ளன.

இந்த உத்திகள் ஆரம்ப காலங்களில் இந்தியாவின் பொருளாதாரம் விவசாயம் சார்ந்ததாக இருந்தபோது பெருமளவு பயன்படுத்தப்பட்டன. ஆனால் 1960 ஆம் ஆண்டுகளில், பசுமைப்புரட்சியின் விளைவால் அதிகளவில் உரங்கள் மற்றும் கலப்பின விதைகளின் பயன்பாடு பெருக்கம் அடைந்தது. அதனால் இந்திய விவசாயிகள் கடும் கடன்சுமையில் ஆழ்ந்ததோடு, நமது சுற்றுச்சூழலுக்கும் மோசமான பாதிப்புகள் நேரிட்டுள்ளன. விவசாயிகளுக்கு உதவிசெய்யவும், மண்ணின் தரத்தை பாதுகாத்து , சுற்றுச் சூழலைக் காப்பாற்றவும் தற்போது மற்றொரு பசுமைப்புரட்சியை உருவாக்கவேண்டிய தருணம் வந்துள்ளது.

இப்போது ஸ்ரீ ஸ்ரீ இயற்கை விவசாயத் திட்டம் இந்தப் புரட்சியைத் தொடங்கியுள்ளது.