முதுகுவலி

வலி வரும்போதுதான் உடல் இருப்பதே நமக்கு தெரிகிறது. தலைவலி வந்தால்தான் நமக்கு தலை என்று ஒன்று இருப்பதே தெரிய வருகிறது. உட்கார்ந்திருக்கையில், திடீரென கால்கள் வலிக்கும்போதுதான், கால் இருப்பதையே உணர்கிறோம். வலி எங்கிருக்கிறதோ நம் கவனம் அங்கு செல்கிறது. வலி என்பது பெற்றோரின் கவனத்தைக் கோரும் குழந்தையைப் போன்றது. நம் உடலின் மீது நாம் கவனம் செலுத்தாதபோது, அது வலிக்கத் தொடங்குகிறது. வலிக்கும் பகுதியில் கவனத்தை செலுத்தும்போது, அக்கவனமே அந்த பகுதிக்கு சக்தியை அளிக்கிறது. நம் உடலின் மீது நாம் போதிய கவனம் செலுத்துவதில்லை, தேவையான உடற்பயிற்சி செய்வதில்லை, வேதிப்பொருட்கள், பூச்சிக்கொல்லிகள் மற்றும் உரங்கள் நிறைந்த உணவை உண்கிறோம்… நாம் உட்கொள்ளும் பூச்சிக்கொல்லிகளெல்லாம் உடலில் புகுந்து வலியை உண்டாக்குகின்றன. இந்த நச்சுப்பொருட்களையெல்லாம் வெளியேற்றிவிட்டால், அனைத்து வலியும் பறந்து போய்விடுவதை நாம் காணலாம்.