முதலில், மனஅழுத்தம் என்றால் என்ன என்று நீங்கள் புரிந்து கொண்டுள்ளீர்களா? செய்ய வேண்டிய செயல்கள் அதிகமாகவும், நேரமும், ஆற்றலும் குறைவாகவும் இருந்தால் மனஅழுத்தம் ஏற்படுகிறது.
ஆற்றலை எவ்வாறு அதிகரிப்பது?
- உணவை மிகவும் அதிகமாகவோ, அல்லது மிகவும் குறைவாகவோ இல்லாமல், மிதமான அளவில் உண்பது.
- 6 முதல் 8 மணிநேர தூக்கம் அவசியம், இதற்கு அதிகமாக அல்லது குறைவாக உறங்க கூடாது.
- சுவாசப்பயிற்சிகள் சிலவற்றை கற்பது உங்கள் மனஅழுத்தத்தை குறைக்க சிறந்த வழி.
- சில நிமிடங்கள் தியானம் புரிந்தால் பல விதமான மனஅழுத்தங்களிலிருந்து நிவாரணம் கிடைக்கும். தினமும் காலையிலும், மாலையிலும் 15 முதல் 20 நிமிடம் தியானம் செய்தால் நீங்கள் நாள் முழுவதும் புத்தூணர்ச்சியுடன் செயல்படமுடியும்.
எல்லாவற்றிற்கும் முதல் அனுபவம் என்று உண்டு. ஆனால் மனஅழுத்தம் ஏற்படுவது முதல் தடவை அல்ல!
உங்கள் வாழ்க்கையில் கடந்த நாட்களில் “இதுவே தாளமுடியாத சோதனை; இதுவே இவ்வுலக வாழ்க்கையின் முடிவு!” என்று எவ்வளவு முறை பயந்திருக்கிறீர்கள்! அந்த மாதிரி சோதனைகளை வென்று இன்றும் வாழ்ந்து வரவில்லையா? “வாழ்க்கையில் இவ்வளவு சோதனைகளை கடந்து வந்தது போல இந்த முறையும் வெற்றி கொள்வேன்” என்று நம்பிக்கை கொள்ளுங்கள்.
உங்கள் தொலைநோக்கு பார்வையை இன்னும் விரிவுபடுத்தி கொள்ளுங்கள். இந்த பிரபஞ்சத்தின் சட்ட திட்டங்கள் மாறுபட்டவை.
நீங்கள் பலருக்கு நன்மையே செய்திருந்தாலும் அவர்கள் நண்பர்களாக இருப்பினும் திடீர் என்று உங்களுக்கு விரோதிகளாக மாறுவதை பார்த்திருப்பீர்கள். இதற்கு மாறாக, நீங்கள் யாருக்கு ஒரு உதவியும் செய்யவில்லையோ அவர்கள் உங்களுக்கு மிகவும் இக்கட்டான நிலையில் உதவி தேவைப்படும் போது உதவிக்கு கரம் நீட்டுவதையும் அனுபவித்து இருப்பீர்கள். ஆகவே நட்போ அல்லது விரோதமோ இந்த பிரபஞ்சத்தில் வினோதமான, மாறுபட்ட சட்ட திட்டத்தால் நடக்கிறது. அந்த சட்ட திட்டத்தின் பெயரே “கர்மா“. உங்கள் நேரம் நன்றாக இருந்தால், உங்கள் ஜன்ம எதிரியும் நண்பனாக மாறலாம்; அதே போல உங்கள் நேரம் கெட்ட நேரமாக இருந்தால், உயிர் தோழனும் பகைவனாக மாறலாம். ஆதலால் இந்த உயர்ந்த கண்ணோட்டத்துடன் நோக்குங்கள். பொறுமை காத்தால் இந்த சோதனையையும் கடந்து வருவீர்கள்.
காத்திருங்கள்! பொறுமையுடன் இருங்கள்!
எதுவும் நிரந்தரமல்ல! இதையும் கடந்து வருவீர்கள்! சில நேரங்களில் எல்லா முயற்சிகளையும் கைவிட்டுவிட சலனம் உண்டாகலாம். உங்கள் மனம் விரக்தியாக இருக்கும்போது மனதளர்ச்சி உண்டாகும். அம்மாதிரி தருணங்களில் முக்கிய முடிவுகள் ஒன்றையும் எடுக்காதீர்கள். இந்த நிலையிலிருந்து வெளிவந்து, இயல்பானநிலையை அடைய நேரம் கொடுத்து மன தளர்ச்சியையும் குறையுங்கள்.
சற்று தூரம் நடந்து செல்லுங்கள்; சற்று நேரம் உட்கார்ந்து சூர்ய அஸ்தமனத்தை கண்டு ரசியுங்கள்.
நகரங்களில் உயரமான கட்டடங்கள் உள்ளதால் இதை பார்ப்பதும் ரசிப்பதும் கடினம். முடிந்தவரை இயற்கை காட்சிகளை ரசியுங்கள். இளம் குழந்தைகளுடன் விளையாடுங்கள். இவை எல்லாம் உங்களுக்கு பெரும் நிம்மதியை கொடுக்கும். ஆனால் நாம் இவை எல்லாம் செய்யாமல் படுக்கையில் அமர்ந்து கொண்டே, ஆரோக்கியத்திற்கு கேடு விளைவிக்கும் உணவை தின்று கொண்டு, தொலைக்காட்சி பார்த்துக்கொண்டு காலத்தை கழிக்கிறோம்! இம்மாதிரி பழக்கவழக்கங்களால் சமூகத்தின் நிலையே சீரழிந்து போகிறது. சமூகத்தில் உடல்நிலை முன்னேற நாம் எல்லோரும் நமது பழக்கவழக்கங்களை மாற்றிக் கொள்ள வேண்டும்.
கடைசியாக ஒரு வார்த்தை,
மனஅழுத்தத்தை வரும் முன்னமே தவிர்த்துவிடுங்கள்.
“வில்வித்தையை யுத்த களத்தில் கற்க முடியாது” என்று ஒரு பழமொழி உண்டு. யுத்தம் செல்வதற்கு முன்னாலேயே வில்வித்தையை கற்று நன்கு தேர்ச்சி பெற்றிருக்க வேண்டும். அதே போல, மனஅழுத்தம் இருக்கும் போது அதிலிருந்து நிவாரணம் பெற முயற்சிகளை செய்வது மிக மிக கடினம். அதனால் அந்நிலை வருவதற்கு முன்னமேயே தகுந்த நடவடிக்கைகளை எடுத்து அந்நிலை வருவதை தவிர்க்கவேண்டும்.
மன அழுத்தத்திலிருந்து வெளிவர உதவுபவை நடத்தையில் மாற்றம், உணவு முறையில் மாற்றம், பொதுவாக வாழ்க்கையை பார்க்கும் முறையில் மாற்றம், தகவல் தொடர்பு திறனில் மாற்றம், விமரிசனங்களை எதிர்கொள்ளும் மற்றும் ஏற்கும் திறன் ஆகியவை … பொதுவாக, வாழ்க்கையை குறித்த கண்ணோட்டமே ஒரு மாற்றத்தைத் தரும்.
வாழும் கலைப் பயிற்சிகளின் அடித்தளமாக விளங்கும் சுதர்சன க்ரியா™ உலகெங்கிலும் பல லட்சம் மக்களுக்கு மன அழுத்தத்தை தணிக்கவும், சிறந்த ஓய்வைப் பெறவும், வாழ்க்கைத் தரத்தை மேம்படுத்திக் கொள்ளவும் உதவியுள்ளது. நான்கு கண்டங்களில் (ஹார்வர்ட் மற்றும் யேல் பல்கலைகழகங்கள் உட்பட) மேற்கொள்ளப்பட்ட ஆய்வுகளும், சக அறிஞர்களால் மதிப்பிடப்பட்டு ஆய்விதழ்களில் வெளியான முடிவுகளும் மன அழுத்த ஹார்மோனான கார்டிசோலை குறைப்பதிலிருந்து வாழ்க்கையில் திருப்தியை அதிகரிப்பது வரை பல விரிவான பலன்களை நிரூபித்துள்ளன
